Charter Document - 07010602
Charter Number: | 07010602 |
---|---|
Cartulary Title: | The Register, or Rolls, of Walter Gray, Lord Archbishop of York |
Charter Language: | Latin |
Charter Origin: | Papal |
Charter Type(s): | Mandate |
Date: | 1233 |
Date type: | Internal, Calendar, Papal |
Resource Link(s): |
|
Charter:
Gregorius [] archiepiscopo Eboracensi Digne officium tuum exequi comprobaris dum super gregem tibi commissum vigilias noctis custodiens ne quid saluti subditorum depereat diligenti studio caritatis salubre satagis remedium adhibere Tua nobis sane devotio intimavit quod plures parochie adeo in tua dioecesi sunt diffuse quod earum parochiani nimirum distantes ab ipsis non possunt ibidem absque magno incommodo ad Divina officia convenire propter quod sepe contingit quod priusquam sacerdos ad infirmos vocatus accedat iidem sine viatico et confessione decedunt Unde nobis humiliter supplicasti ut providere super hoc misericorditer dignaremur Nos igitur tuis devotis supplicationibus inclinati fraternitati tue presentium auctoritate concedimus ut diligenter attendens locorum distantiam difficultatem viarum ac multitudinem populi excrescentis in hujusmodi parochiis matricis ecclesie et aliorum etiam jure salvo oratoria et capellas pensatis ecclesiarum facultatibus edificare libere valeas et in eis instituere sacerdotes Datum Laterani v kalendas Junii anno septimo