Charter Document - 07010595
| Charter Number: | 07010595 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1228 |
| Date type: | Internal, Calendar, Papal |
| Resource Link(s): |
|
Charter:
Gregorius episcopus servus servorum Dei dilectis fratribus archiepiscopo Eboracensi Transmisse ad nos tue fraternitatis litere continebant quod cum capitulum ecclesie Sancte Marie Eboracensis ecclesiam de Gaineford vacantem in qua jus obtinent patronatus R clerico concessissent ipsi postmodum L clericum tibi ad eandem ecclesiam presentarunt post appellationem ab eodem R ad sedem Apostolicam interjectam cumque idem R institutioni ejus qui tibi presentatus fuerat se opponens coram te se assereret ex concessione hujusmodi potiorem tu cum diversi diversa sentirent in hoc casu dubius quis eorum potior esse debeat sedem duxisti Apostolicam consulendam Ad quod tibi taliter respondimus quod cum ex vi juris patronatus non concessio sed presentatio pertineat ad patronum presentatum si ei aliquid non obsistat canonicum instituas in ipsa ecclesia poteris utpote potiorem Datum Perusii v nonas Julii pontificatus nostri anno secundo