Charter Document - 07010588
| Charter Number: | 07010588 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1225 - 1226 |
| Date type: | Internal, Calendar, Episcopal |
| Resource Link(s): |
Durham Cathedral Archive - Cartulary III (fii3r) Durham Cathedral Archive - Cartulary III (f254v) Durham Cathedral Archive - Cartularium Vetus (f158v) |
Charter:
Universis Christi fidelibus ad quos presens scriptum pervenerit Walterus Dei gratia Eboracensis archiepiscopus Anglie primas salutem in Domino Piam religionis observantiam et laudabilem vite conversationem cum hospitalitatis gratia in dilectis filiis Priore et Conventu Dunelmensi precipue clarere perspicientes quorum etiam devotionem approbantes et merita attendentes similiterque paci et tranquillitati eorum prospicere cupientes debitas et antiquas pensiones quas de ecclesiis ad donationem eorum spectantibus in dioecesi nostra percipere consueverunt eisdem pia consideratione concedimus et auctoritate pontificali confirmamus videlicet de ecclesia de Rungton tres marcas de ecclesia de Kyrkeby Siggeston decem marcas de ecclesia Sancti Petri Parvi Eboracensi unam marcam de ecclesiis Omnium Sanctorum in Ebor et de Holteby quinquaginta solidos de ecclesia de Skipwith unam marcam de ecclesia de Hemingburgh quinque marcas de ecclesia de Hoveden quinque marcas de ecclesia de Brentingham et capella de Blaketoft decem marcas de ecclesia de Welleton tres marcas de ecclesia de Walkinton centum solidos de ecclesia de Normanton super Sore unam marcam Quod ut ratum et stabile in posterum perseveret presenti scripto sigilli nostri munimine consignato confirmandum duximus et roborandum His testibus domino N[icholas] quondam Mannie et Insularum episcopo Ricardo capellano nostro et fratre Johanne capellano dicti episcopi Ricardo de Bereford Willelmo de Vescy Roberto de Witon Odone de Richem et Reginaldo de Stowa clericis Datum apud Ottele ix kalendas Februarii pontificatus nostri anno decimo