Charter Document - 07010586
| Charter Number: | 07010586 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1226 |
| Date type: | Internal, Calendar, Papal |
| Resource Link(s): |
Borthwick Institute - Register 4 (f30v) |
Charter:
Honorius episcopus servus servorum Dei dilectis venerabili fratris archiepiscopo Eboracensi Inspectis literis G[aufridus] et R[ogerus] bone memorie archiepiscoporum et Capituli Eboracensis necnon felicis recordationis Adriani et Alexandri pontificum Romanorum super visitatione et procuratione in monasterio Sancte Marie Eboracensis exhibitis coram nobis nolentes Eboracensem ecclesiam et dictum monasterium per causarum strepitus laboribus et sumptibus fatigari ex officio nostro de fratrum nostrorum consilio sic duximus providendum quod archiepiscopus Eboracensis in prefato monasterio visitationem semel habeat in anno si tamen urgens necessitas exigat possit visitare secundo correpturus et reformaturus ibidem cum consilio religiosorum virorum et quandoque vel sex de melioribus canonicis ecclesie tue que correctionis et reformationis officio secundum Deum et Beati Benedicti regulam viderit indigere Ad procurationem vero dictum monasterium Eboracensi archiepiscopo volumus non teneri salvo uno duntaxat hospitio quod Eboracenses archiepiscopi sibi post consecrationem suam in ipso monasterio reservarunt Nulli ergo provisionis [] Si quis Datum Laterani ij nonas Martii pontificatus nostri anno decimo