Charter Document - 07010584
| Charter Number: | 07010584 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1225 |
| Date type: | Internal, Calendar, Episcopal |
| Resource Link(s): |
Durham Cathedral Archive - Cartulary III (f62v) Durham Cathedral Archive - Cartulary III (f255v) Durham Cathedral Archive - Cartularium Vetus (f158v) |
Charter:
Omnibus Christi fidelibus ad quos presens scriptum pervenerit Walterus Dei gratia Eboracensis archiepiscopus Anglie primas salutem in Domino Cum pium sit bonorum et simplicium indemnitati prospicere ipsisque a dolis et fraudibus perversorum precavere ne horum crescente malitia illis crescat et pena volentes dilectorum filiorum prioris et conventus Dunolmensis paci simul et defensioni pie providere eosque quantum possumus de manu tribulantis eripere tenore presentium duximus protestandum nos ad presentationem eorum clericos subscriptos ad ecclesias similiter subscriptas admisisse videlicet Walterum de Woburn ad ecclesiam de Welleton pontificatus nostri anno secundo Robertum de Marisco ad ecclesiam de Hemingburg anno tertio Magistrum Simonem de Ferlinton ad ecclesiam de Houeden anno quinto magistrum Henricum de Melsambi ad ecclesiam de Kirkeby Siggeston anno eodem Robertum de Holteby ad ecclesiam Sancti Petri Parvi Eboracensem anno eodem Robertum de Hemingburg ad ecclesiam de Walkinton anno nono Post decessum autem predicti magistri Simonis ad ecclesiam de Houeden iterato ad presentationem eorundem prioris et conventus Johannem Hautein admisimus anno eodem Gilbertum vero de Dalton post decessum Roberti de Holteby ad ecclesiam Sancti Petri Parvi Eboracensem iterato ad presentationem eorundem admisimus anno eodem Quod ne alicui processu temporis possit verti in dubium presenti scripto sigilli nostri munimine consignato duximus testificandum Dat apud Ottele ix kal Februarii pontificatus nostri anno decimo