Charter Document - 07010577
| Charter Number: | 07010577 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1222 |
| Date type: | Internal, Calendar, Episcopal |
| Resource Link(s): |
Borthwick Institute - Register 2 (f75v) |
Charter:
Omnibus Christi fidelibus ad quos presens scriptum pervenerit Walterus Dei gratia Eboracensis archiepiscopus Anglie primas eternam in domino salutem Noverit universitas vestra nos Divine miserationis intuitu ob reverentiam Beati Petri et ecclesie Eboracensis cui permittente Domino presidemus de assensu Capituli nostri concessisse dedisse et presenti carta confirmasse in augmentum cancellarie prefate ecclesie nostre Eboracensis inperpetuum ecclesiam de Acclum cum omnibus pertinentiis suis liberam quietam et solutam ab omni jure exactione et consuetudine episcopali et archidiaconali salvis nobis et successoribus nostris et archidiacono loci omnibus placitis et querelis hominum ipsius parochie preter hominum de ipsa ecclesia tenentium Ut autem hec nostra concessio et donatio perpetue firmitatis robur obtineat presenti scripto sigilli munimine consignato eam confirmandam duximus et corroborandam His testibus Willelmo thesaurario et magistris Johanne Romano Ricardo Cornubie et Roberto de Winton canonicis Eboracensibus Adam de Stavele canonico Suwell magistro Johanne de Wintringham Ricardo de Bereford Willelmo de Vescy et Odone de Richem Data apud Otington tertio die Martii pontificatus nostri anno septimo