Charter Document - 07010576
| Charter Number: | 07010576 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1222 |
| Date type: | Internal, Calendar, Episcopal |
| Resource Link(s): |
Borthwick Institute - Register 4 (f28r) |
Charter:
Omnibus Christi fidelibus ad quos presens scriptum pervenerit Walterus Dei gratia Eboracensis archiepiscopus Anglie primas eternam in Domino salutem Cum ecclesie nostre Eboracensis cui quanta possumus affectione providere desideramus hactenus in luminariis minus fuerit prospectum nos ecclesiam de Weston ex donatione dilecti filii Hugonis de Lelay ejusdem ecclesie patroni in augmentationem nobis et dicte ecclesie nostre perpetuo jure concessam cum omnibus suis pertinentibus ad eosdem usus deputamus et auctoritate ordinaria de assensu Capituli nostri concedimus et confirmamus liberam quietam et solutam ab omni jure exactione et consuetudine episcopali et archidiaconali salvis nobis et successoribus nostris archiepiscopis dicti loci placitis omnibus et querelis hominum ipsius parochie preterquam hominum de ecclesia ipsa tenentium sub interminatione anathematis districtius inhibentes ne quis dictam ecclesiam vel fructus ex ea provenientes in alios usus aliquo unquam tempore convertere presumat sed pro voluntate archiepiscopi qui pro tempore fuerit et Capituli assignetur vir fidelis et discretus qui fructus dicte ecclesie in predictos usus solummodo dispendat et semel vel bis in anno Capitulo inde ad ratiocinia respondeat Hoc expresso quod omnibus diebus quibus unus cereus in choro esse consuevit sint de cetero duo et de residuo quantumcunque dicti fructus poterunt extendi circa majus altare ministrentur luminaria Quod ut ratum et stabile perseveret in posterum presenti scripto sigillum nostrum duximus apponendum His testibus W thesaurario et magistris Johanne Romano R Cornubie et R de Winton canonicis Eboracensibus Ada de Stavele canon Suwelle R de Bereford W de Vescy et O de Rychemund Datum apud Bannebire secundo die Martii pontificatus nostri anno septimo