Charter Document - 07010575
| Charter Number: | 07010575 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1221 - 1222 |
| Date type: | Internal, Episcopal |
| Resource Link(s): |
|
Charter:
Omnibus Christi fidelibus ad quos presens scriptum pervenerit Walterus Dei gratia Eboracensis archiepiscopus Anglie primas eternam in Domino salutem Noverit universitas vestra nos Divine miserationis intuitu ob reverentiam beati Petri et Eboracensis ecclesie cui permittente Domino presidemus de assensu Capituli nostri dedisse concessisse et presenti carta nostra confirmasse in augmentum precentorie prefate ecclesie nostre Eboracensis inperpetuum ecclesiam de Kirkeby Useburn cum omnibus pertinentiis suis liberam quietam et solutam ab omni jure exactione et consuetudine episcopali et archidiaconali salvis nobis et successoribus nostris et archidiacono loci omnibus placitis et querelis hominum ipsius parochie preterquam hominum de ipsa ecclesia tenentium Ut autem hec nostra concessio et donatio perpetue firmitatis robur obtineat presenti scripto sigilli nostri munimine consignato confirmandum duximus et corroborandum His testibus Willelmo thesaurario et magistris J Romano R Cornubie et R de Winton canonicis Eboracensibus magistro J de Waucringham Ada de Stavele canon Suwell Ricardo de Bereford Willelmo de Vessy et Odone de Richem Datum apud Bannebiri secundo die [] pontificatus nostri anno septimo