Charter Document - 07010572

Honorius episcopus servus servorum Dei venerabili fratri [] archiepiscopo et dilectis filiis decano et Capitulo Eboracensi salutem et Apostolicam benedictionem Ne liberalis devotio quam nobilis ecclesia vestra erga sedem Apostolicam gerit et gessit a diebus antiquis ecclesie Romane clericos suis beneficiis honorando nimis damnosa sibi existere videatur si prebende ac alia beneficia que predicti clerici obtinent ab eadem decedentibus ipsis inconsultis successive aliis conferrentur sibique invite quasi novi et ignoti agnoscerentur heredes nos qui eandem ecclesiam prerogativa dilectionis et gratie amplexamur super hoc volentes congruum remedium adhibere auctoritate vobis presentium indulgemus ut clericis ecclesie Romane qui ab ecclesia vestra prebendas vel ecclesias seu alia beneficia obtinent vel obtinuerint amodo decedentibus prebende vel ecclesie seu alia beneficia nequaquam a nobis vel alio alia vice alicui conferantur sed ad ecclesiam vestram libere redeant per eos ad quos illorum donatio pertinet personis idoneis conferenda Datum Laterani xij kalendas Martii pontificatus nostri anno quinto