Charter Document - 07010566
| Charter Number: | 07010566 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1218 |
| Date type: | Assigned |
| Resource Link(s): |
|
Charter:
Universis Christi fidelibus ad quos presens scriptum pervenerit Gualterus Dei gratia Eboracensis archiepiscopus Anglie primas salutem in Domino Noverit universitas vestra nos de communi consensu Hamonis decani et capituli nostri Eboracensis et de consilio aliorum virorum prudentium considerata evidenti utilitate ecclesie nostre thesaurariam Eboracensem et archidiaconatum de Estrithing que quidem dignitates minus decenter hactenus fuerunt conjuncte et uni persone collate separasse et diversis personis in posterum conferendas decrevisse cum altera illarum scilicet thesauraria continuam in ecclesia Eboracensi exigat residentiam altera vero propter officium archidiaconi explendum et ecclesiarum visitationem faciendam fere continuam exigat evagationem Sed quia maximum onus tam luminarium quam aliorum servitio et ministerio Eboracensis ecclesie necessariorum eidem incumbit thesaurarie ad cujus quidem oneris sustentationem proventus archidiaconatus memorati cedere solebant ideo ne thesauraria memorata circa predictorum necessariorum exhibitionem aut deficiat aut supra modum gravetur in recompensationem proventuum dicti archidiaconatus de aliis beneficiis ecclesie nostre eidem thesaurarie duximus providendum et auctoritate pontificali et approbatione dictorum decani et capituli nostri Eboracensis quandam portionem prebende de Schireburn eo tempore vacantis memorate thesaurarie inperpetuum concessimus et assignari fecimus scilicet villam de Neuthorp cum molendinis et aliis pertinentiis decimas etiam bladi et leguminum ejusdem ville et ville de Shirburn de Mileford de Lumby de Stiveton de Mikelfeld de Lutryngton de Aberford de Hudelston et villam de Holgate cum suis pertinentiis De residuo autem prebende memorate ad honorem Dei et ecclesie nostre et ad numerum fratrum augendum constituimus duas prebendas ad quarum unam pertinent ecclesie de Wystowe et de Cawode decime bladi et leguminum de Friston de Hillum de Bretton de Fareburn et totum alteragium et omnes obventiones cum toto jure parochiali dictarum villarum post decessum magistri Petri de Shireburn et tertia pars ecclesie de Braiton et area juxta domum prebende de Strensall que fuit de thesauraria quam Walterus de Vestiario tenet quoad vixerit Ad alteram vero pertinent decime bladi et leguminum de Fenton Levenaton Barkeston et totum alteragium et omnes obventiones cum toto jure parochiali dictarum villarum post decessum dicti magistri Petri de Shireburn et decima lane et agnorum de toto residuo parochie de Shireburn exceptis decimis lane et agnorum de Friston de Hillum de Bretton de Fareburn quas assignavimus prebende de Wystowe post decessum sepedicti magistri Petri et terra de Popelton et medietas ecclesie Sancti Mauritii cum redditu terre de Munckegate et portio dicti magistri Petri quam habet in ecclesia de Shireburn post decessum ipsius excepta portione preassignata prebende de Wistowe et area juxta domum nostram in qua Hamo decanus habitavit antequam esset thesaurarius Ut autem hec ordinatio et dispositio nostra de communi et unanimi assensu dictorum decani et capituli nostri facta perpetue firmitatis robur obtineat eam tam presenti scripto quam sigilli nostri munimine roboratam duximus confirmandam His testibus Hamone decano Johanne cancellario Willelmo archidiacono Notingham magistris Rogero de Insula cancellario Lincoln Johanne Romano Erardo Willelmo filio Ricardi Willelino de Cava Waltero de Wisebech Petro de Shireburn Bernardo Mauricio Ricardo Cornub Galfrido de Norwico canonicis Eboracensibus magistro Serlone canonico Beverlaci Willelmo Foliot Galfrido de Stanlac