Charter Document - 07010565
| Charter Number: | 07010565 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1217 - 1218 |
| Date type: | Internal, A.D., Calendar |
| Resource Link(s): |
|
Charter:
Omnibus sancte matris ecclesie filiis presentibus et futuris Johannes abbas de Fontibus et ejusdem loci conventus salutem eternam in Domino Ad universitatis vestre notitiam volumus pervenire nos unanimi assensu et voluntate concessisse dedisse et presenti carta confirmasse venerabili patri nostro Waltero Dei gratia Eboracensi archiepiscopo et successoribus ipsius jus patronatus ecclesie de Kirkeby Useburn perpetuo possidendum sicut ad nos pertinere dinoscitur ad ordinandum de predicta ecclesia quod ei placuerit jure patroni et ordinarie potestatis Salvis nobis compositionibus nostris inter ecclesiam nostram de Fontibus et dictam ecclesiam de Kirkeby factis super decimis grangie nostre de Thorp et super terris quas habemus infra fossatum quod Willelmus de Stuteville fecit in territorio de Kirkeby sicut idem venerabilis pater noster Walterus Eboracensis archiepiscopus nobis eas concessit et confirmavit Hoc adjecto quod ratione dictarum compositionum nihil amplius vindicare poterimus quam quod habuimus tempore hujusmodi concessionis Facta est autem hec concessio kal Martii anno ab incarnatione Domini millesimo ccxvij Quod ut ratum et inconcussum futuris temporibus perseveret presens scriptum sigillo universitatis vestre roborare duximus et communire His testibus Hamone decano Willelmo archidiacono Richemund Sampsone archidiacono Eboracensi magistro Petro de Shireburn preposito Beverlaci magistro Waltero de Wisebec magistro Johanne Romano magistro Ricardo Cornubiensi magistro Gaufrido de Norwiz