Charter Document - 07010562
| Charter Number: | 07010562 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1217 |
| Date type: | Internal, Calendar, Papal |
| Resource Link(s): |
|
Charter:
Honorius [] Venerabili fratri archiepiscopo Eboracensi Ordinata caritas uno quasi fecundata conceptu geminum fructum parit cum beneficia largienda ita provida liberalitate dispensat quod utilitati providet donatarii et honori consulit donatoris maxime cum unus per placita obsequia sic alterius se gratie cooptavit ut jam quasi quodam justitie debito eum sibi videatur naturaliter obligasse Attendentes igitur devotionem dilecti filii magistri Roffridi clerici venerabilis fratris nostri episcopi Ostiensis quam erga te gerere noscitur per quem tibi grata poterunt obsequia exhiberi utpote qui sue probitatis meritis nostram et fratrum nostrorum gratiam obtinet et favorem fraternitatem tuam rogandam duximus et monendam per Apostolica scripta mandantes quatenus ob reverentiam Apostolice sedis et nostre necnon obsequiorum suorum obtentum ipsum in Eboracensis ecclesie canonicum recipias et in fratrem eique prebendam si qua vacat conferas et assignes preces et mandatum nostrum ita hilariter impleturus quod erga nos obedientie ac erga predictum magistrum promptum caritatis affectum gerere videaris ac idem tibi efficiatur devotior ex devoto nosque liberalitatem tuam possimus merito commendare Datum Terenti v idus Augusti pontificatus nostri anno secundo