Charter Document - 07010561
| Charter Number: | 07010561 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1218 - 1238 |
| Date type: | Assigned |
| Resource Link(s): |
|
Charter:
Walterus Dei gratia Eboracensis archiepiscopus et Anglie primas universis Christi fidelibus has literas inspecturis salutem in Domino Attendentes paupertatem domus Sancti Oswaldi de Nostle et prioris et canonicorum ibidem Deo servientium religiosam conversationem et honestam universitati vestre notum fieri volumus nos Divine pietatis intuitu communitatis consilio et assensu Hamo decani et capituli Eboracensis dedisse concessisse et presenti carta confirmasse ecclesie Sancti Oswaldi de Nostle et canonicis ibidem Deo servientibus in puram et perpetuam elemosinam viginti marcas argenti annuas in ecclesia de Suth Kirkeby que est de eorum advocatione duobus terminis videlicet medietatem ad festum Sancti Martini in hyeme et medietatem ad festum Pentecostes per manum Magistri Ricardi Cornubiensis tunc rectoris ejusdem ecclesie et per manus aliorum rectorum predicte ecclesie qui pro tempore fuerint ad presentationem predictorum prioris et canonicorum per dioecesanum vel per ejus vicem in hac parte gerentem instituendorum et omnia onera ipsius prefate ecclesie sustinentium annuatim percipiendas Simili modo dedimus et concessimus et presenti scripto confirmavimus predictis priori et canonicis quindecim marcas argenti annuas in ecclesia de Tikhill que similiter est de eorum advocatione supradictis terminis per manum Elye Bernard tunc rectoris ecclesie ejusdem et per manus aliorum rectorum qui pro tempore fuerint modo supradicto scilicet ad presentationem predictorum prioris et canonicorum per dioecesanum vel per ejus vicem ut supradictum est in hac parte gerentem instituendorum et omnia onera ecclesie prenominate de Tikhill sustinentium percipiendas Ita quod in ecclesia illa nullum ex debito recipiant hospitium nec de cetero quicquam amplius in prefatis ecclesiis exigere possint nisi a benignitate nostra vel successorum nostrorum et Capituli Eboracensis eisdem fuerit indultum Et ut hec donationis et confirmationis concessio rata et inconcussa permaneat presens scriptum sigilli nostri munimine corroboravimus His testibus Hamone decano Eboracensi Johanne cancellario Salmone archidiacono Eboracensi Willelmo archidiacono de Richemund Willelmo archidiacono Notingham Willelmo preposito de Beverle Petro de Shirburn Willelmo filio Ricardi Johanne Romano Waltero de Wisebech Willelmo de Cave magistro Godardo canonicis Eboracensibus Simone et Radulpho et Alano capellanis magistro H de Weng Thoma nepote prioris et multis aliis