Charter Document - 07010560

Innocentius episcopus servus servorum Dei venerabili fratri Waltero archiepiscopo Eboracensi ejusque successoribus canonice instituendis [] in perpetuam memoriam In eminenti sedis Apostolice specula licet immeriti disponente Domino constituti fratres nostros archiepiscopos tam propinquos quam longe positos superna debemus caritate diligere Quocirca venerabilis in Christo frater tuis justis postulationibus clementer annuimus ut ecclesiam Sancti Petri cui auctore Deo preesse dinosceris sub beati Petri et nostra protectione suscipimus et presentis scripti privilegio communimus statuentes ut quascunque possessiones quecunque bona eadem ecclesia inpresentiarum juste et canonice possidet aut in futurum largitione regum vel principum oblatione fidelium seu aliis justis modis prestante Domino poterit adipisci firma tibi tuisque successoribus et illibata permaneant In quibus hec propriis duximus exprimenda vocabulis videlicet de Wilton de Wetewange de Burton de Patrington de Schiteby de Helgedon de Beverlaco de Ripon de Hextildesham de Ottele de Shotreburn de Suwelle de Lanum de Sutton de Scroby de Chirchendon de Ottingdon de Brenenangerword de Riggeby de Tirlington et de Staliburg maneria cum pertinentiis eorundem Sancti Johannis Beverlaci Sancti Wilfridi Ripon Sancte Andree Hextildesham Sancte Marie Suwellensis et Sancti Osewaldi de Gloucestre ecclesias necnon ecclesiam et terram de Kynaldestowe cum possessionibus et aliis omnibus bonis suis episcopatus quoque inferius annotatos ecclesie tue metropolitico jure subjectos tibi tuisque successoribus nihilominus confirmamus videlicet Dunelmensem et Carliolensem usum quoque pallii plenitudinis videlicet pontificalis officii tue fraternitati Apostolice sedis liberalitate largimur quo infra ecclesiam tuam utaris diebus inferius annotatis videlicet in Nativitate Domini festivitate prothomartyris Stephani Circumcisione Domini Epiphania Ipopanti Dominica in Ramis Palmarum Cena Domini Sabbato Sancto Pascha feria secunda post Pascha Ascensione Pentecoste tribus festivitatibus Sancte Marie Natali Sancti Johannis Baptiste solemnitate omnium Apostolorum commemoratione Omnium Sanctorum dedicationibus ecclesiarum anniversarii tui consecrationisque die ecclesie tue principalibus festivitatibus consecrationibus episcoporum et ordinationibus clericorum Ad hec cimiteria ecclesiarum et ecclesie beneficia nullus hereditario jure possideat quod si quis hoc facere presumpserit censura canonica compescatur propterea quod communi assensu capituli vel partis consilio sanioris in tua dioecesi per te fuerit canonice institutum ratum et firmum volumus permanere Prohibemus insuper ne excommunicatos vel interdictos tuos ad officium vel communionem ecclesiasticam sine conscientia et consensu tuo quisquam admittat aut contra sententiam tuam canonice promulgatam aliquis presumat nisi forte periculum mortis immineat aut dum presentiam tuam habere nequiverint per alium secundum formam ecclesie satisfactione premissa oporteat ligatum absolvi Sacrorum quoque canonum auctoritatem sequentes statuimus ut nullus archiepiscopus vel episcopus absque assensu Eboracensis archiepiscopi si in archiepiscopatu fuerit in dioecesi Eboracensi conventus celebrare causas etiam et ecclesiastica negotia ejusdem dioeceseos nisi per Romanum pontificem vel legatum ejus fuerit eidem injunctum tractare presumat Porro crucis vexillum Dominicum scilicet per tuam dioecesin et episcopatus tibi subditos ante te deferendi fraternitati tue licentiam impertimur Decernimus ergo ut nulli omnino hominum liceat prefatam ecclesiam temere perturbare aut ejus possessiones auferre vel ablata retinere minuere seu quibuslibet vexationibus fatigare sed omnia integra conserventur eorum pro quorum gubernatione ac sustentatione concessa sunt usibus omnimodis profutura salva sedis Apostolice auctoritate Si qua igitur in futurum ecclesiastica secularisve persona hanc nostre Constitutionis paginam sciens contra eam temere venire temptaverit secundo tertiove monita nisi reatum suum congrua satisfactione correxerit potestatis honorisque sui dignitate careat reamque se Divino judicio existere de perpetrata iniquitate cognoscat et a sacratissimo corpore et sanguine Dei et Domini Redemptoris nostri Jhesu Christi aliena fiat atque in extremo examine districte subjaceat ultioni Cunctis autem eidem ecclesie sua jura servantibus sit pax Domini nostri Jhesu Christi quatenus et hic fructum bone actionis percipiant et apud districtum judicem premia eterne pacis inveniant Amen Ego Innocentius catholice ecclesie episcopus subscripsi Amen Ego Nicholaus Tusculanensis episcopus subscripsi Amen Ego Guido Prenestinus episcopus subscripsi Amen Ego Hugo Ostiensis et Veletrensis episcopus subscripsi Amen Ego Pelagius Albanensis episcopus subscripsi Amen Ego Cinthius tituli Sancti Laur in Lucina presbyter cardinalis Ego Cencius Sanctus Johannis et Pauli presbyter cardinalis Ego Leo tituli Sancti Crucis in Jerusalem presbyter cardinalis Ego Robertus tituli Sancti Stephani in Celio Monte presbyter cardinalis Ego Stephanus Basilice XII Apostolorum presbyter cardinalis Ego Gregorius tituli Sancte Anastasie presbyter cardinalis Ego Petrus tituli Sancti Laur in Damaso presbyter cardinalis Ego Guido Sancti Nicholai in Carcere Tulliano Ego Octavianus Sanctus Sergii et Bacchi Ego Johannes Sanctus Cosme et Damiani Ego Gregorius Sancti Theodori Ego Rainerus Sancte Marie in Cosmedin Ego Romanus Sancti Angeli Ego Stephanus Sancti Adriani Dat Viterbii per manum Thome tituli Sancte Sabine presbyteri cardinalis xiiij kalendas Maii indictione [] Dominice anno gratie MCCXVJ pontificatus vero domini Innocentii pape III anno nono decimo