Charter Document - 07010535
| Charter Number: | 07010535 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Taxation |
| Date: | 1253 |
| Date type: | Internal, Calendar, Episcopal |
| Resource Link(s): |
Borthwick Institute - Register 1b (15 face) |
Charter:
Universis [] Noveritis quod cum viri religiosi abbas et conventus Albemarl super taxatione vicarie ecclesie de Sckekeling se nostre ordinationi simpliciter commisissent nos dicte ecclesie facultatibus diligenter inquisitis ipsam vicariam taxavimus in hunc modum videlicet quod decime garbarum totius parochie de Sckekelinges cum quatuor bovatis terre et suis pertinentiis quibus ecclesia dotata est et tota curia quondam rectoris ipsius ecclesie et cum sex toftis eidem ecclesie pertinentibus scilicet tofto Alani Wydre tofto Samuel tofto Batis molendinarii tofto Ganeth tofto Henrici de Burton et tofto Willelmi pistoris et omnibus decimis majoribus et minoribus ad dominia de Brystwyk spectantibus cum duobus solidis annuatim percipiendis de capella de Noutle dictis abbati et conventui remanentibus totum ipsius ecclesie cum toftis que quondam fuerunt Mosket et duobus aliis toftis scilicet tofto Ingelardi et tofto Ricardi le Vint cum dimidia bovata terre in territorio de Camerincham que quondam collata [fuit] ecclesie de Scekeling ab antecessoribus Simonis de Camer et vertit ubique in campis inter terram dicti Symonis ex parte australi et terram Willemi Pety cum omnibus suis pertinentiis aisiamentis et libertatibus scilicet pratis pascuis viis semitis et omnibus aliis predicte ecclesie pertinentibus et preterea cum una acra terre in territorio prenominato que quondam collata fuit predicte ecclesie a Roberto de Beby et etiam cum una marca annua percipienda de capella de Nutle vicario nomine vicarie remanebit Qui quidem vicarius onera capituli sustinebit et de synodalibus respondebit Predicti vero abbas et conventus de procuratione archidiaconi respondebunt et quandam lampadem in ecclesia prenominata sustinebunt Si vero de portione dicti vicarii aliquid contingat diminui vel evinci iidem abbas et conventus de sua parte si quid amiserit vel ab eo evictum fuerit restaurabunt In cujus rei testimonium [] Dat apud Cawode vj kal Februarii pontificatus nostri anno xxx octavo