Charter Document - 07010486
| Charter Number: | 07010486 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1249 |
| Date type: | Internal, A.D., Calendar |
| Resource Link(s): |
Borthwick Institute - Register 1b (13 face) |
Charter:
Universis [] Ad universitatis vestre notitiam volumus pervenire quod cum jus patronatus medietatis ecclesie de Biford ad priorem et conventum de Bridlingtun et alterius medietatis ad magistrum et fratres Militie Templi pertineret iidem vacante ecclesia predicta cum nollemus nec de jure possemus permittere sectionem fieri de eadem jus suum perturbarunt ad eandem diversos clericos presentando ideoque ne contingeret hoc ulterius convenit inter ipsos amicabiliter coram nobis ut cum ecclesiam predictam vacare contigerit utrique eorum ad ecclesiam totam vicibus alternis presentent Ita scilicet quod prior et conventus de Bridlingtun una vice ad ecclesiam totam predictam clericum suum presentabunt magistri et fratrum militie Templi irrequisito assensu et predicti magister et fratres secunda vice ad totam ecclesiam illam suum clericum presentabunt predictorum prioris et conventus irrequisito assensu et sic deinceps in perpetuum ut ulterius omnis presentandi contentio sopiatur salvis predictis priori et conventui et magistro et fratribus pensionibus debitis de ecclesia memorata Hoc autem sciendum quod consenserunt partes quod prior et conventus hac vice ad totam ecclesiam presentarent Qui quidem prior et conventus Willelmum de Calverlay clericum suum ad eandem ecclesiam presentarunt nono kalendas Junii anno Domini millesimo ducentesimo quadragesimo nono In cujus rei testimonium huic scripto cirographato cum utriusque capituli sigilli apponi fecimus signum nostrum