Charter Document - 07010485
| Charter Number: | 07010485 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1249 |
| Date type: | Internal, Calendar, Episcopal |
| Resource Link(s): |
Borthwick Institute - Register 1b (13 face) |
Charter:
Omnibus [] Laudabilem hospitalitatem in religiosis viris priore et conventu de Blida approbantes et suarum possessionum tenuitatem cum confluente ad eos circumquaque hospitum multitudine appendentes ne sub consuete largitatis pondere deficiant vel tepescant sed potius per levem recreationem fortius ad susceptionem peregrinorum et hospitum []entur Divini amoris intuitu et puro compassionis affectu eisdem damus concedimus et auctoritate pontificali confirmamus in sue hospitalitatis augmentum quinque marcas annuas de ecclesia de Weston per manus ipsius qui ejusdem pro tempore rector fuerit inperpetuum captandas nomine pensionis medietatem ad festum Sancti Martini et alteram medietatem ad Pentecosten Quod ut ratum et stabile in posterum perseveret presens scriptum sigilli nostri munimine fecimus roborari ad dicte donationis concessionis et confirmationis memoriam sempiternam Dat apud Scroby iiij id Junii anno pontificatus nostri xxxiv