Charter Document - 07010396
| Charter Number: | 07010396 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1240 |
| Date type: | Internal, Calendar, Episcopal |
| Resource Link(s): |
Borthwick Institute - Register 1b (8 face) Borthwick Institute - Register 4 (f27v) |
Charter:
Omnibus [Christi fidelibus ad quos presens scriptum peruenerit Walterus Dei gratia Ebor[acensis] archiepiscopus Anglie primas salutem in Domino] Noveritis quod cum bone memorie Th[omas] et G[erardus] predecessores nostri archiepiscopi Ebor de assensu capituli Ebor concessissent priori et conventui Sancte Trinitatis Ebor ecclesiam de Ledes in usus proprios convertendam ita quod per suos capellanos eidem ecclesie facerent de serviri sicut carte eorundem archiepiscoporum et capituli testantur iidem prior et conventus quendam clericum ad quandam portionem ejusdem ecclesie videlicet ad tertiam partem decime garbarum et ad tertiam partem alter agii presentarunt et sic tam ipsi quam dictus clericus omnes proventus ipsius ecclesie communiter perceperunt unde inter eos materia contentionis oriebatur frequenter Postmodum autem per mortem Alani de Shireburn clerici predicta portione vacante sepe dicti prior et conventus nobis supplicarunt instanter ut in hac parte eorum paupertati et paci prospicere dignaremur Ipsorum igitur precibus annuentes ut omnem contentionis materiam que ex hujusmodi communione provenerat amputemus vicariam taliter taxavimus in ecclesia memorata videlicet quod ille qui pro tempore fuerit vicarius ejusdem ecclesie totum alteragium cum decimis molendinorum totius parochie de Ledes excepta decima molendinorum comitis Lincoln que nondum fuit soluta et excepta terra spectante ad eandem ecclesiam percipiat nomine vicarie reddendo annuatim eisdem priori et conventui decem libras sterlingorum ad duos terminos scilicet centum solidos ad Pentecosten et centum solidos ad festum Sancti Martini in hyeme et omnia onera consueta et debita sustinendo Quod ut ratum [perseueret et stabile presens scriptum fecimus sigilli nostri munimine roborari] Datum apud Scroby vij idibus Decembri pontificatus nostri anno xxvi Testibus [magistris Roberto archidiacono Richemundie et Nicholao de Eboraco domino Petro de Fikelden capellano Iohanne de Ledes Rogero de La Leye clericis et aliis]