Charter Document - 07010303
| Charter Number: | 07010303 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1235 |
| Date type: | Internal, Calendar, Episcopal |
| Resource Link(s): |
Borthwick Institute - Register 1a (26 dorse) |
Charter:
Omnibus [] Noveritis nos concessisse dilecto filio domino Alexandro de Vilers et heredibus suis cantariam in capella sua de Neubotle proprie familie sue et hospitibus suis inperpetuum habendam sumptibus suis salvo in omnibus jure et indemnitate matricis ecclesie de Kynewaldestouwe Ita scilicet quod omnes oblationes et obventiones ex quacunque causa in eadem capella provenientes matrici ecclesie applicentur Dictus vero Alexander et uxor ejus et heredes sui et familia eorum matricem ecclesiam de Kynewald in omnibus precipuis festis anni personaliter visitabunt nisi justa et rationabili causa fuerint prepediti videlicet in nativitate Domini in festo Epiphanie in Purificatione Beate Virginis die Parasceue die Pasche die Ascensionis Domini die Pentecostes die Assumptionis Beate Virginis die Omnium Sanctorum et in duobus festis beati Wylfridi Et si dictus vero Alexandro et heredes sui in aliquo contra matricem ecclesiam et ea que supradicta sunt deliquerint beneficio sibi in hac parte concesso privabuntur donec de eodem delicto satisfecerint competenter et nostram vel successorum nostrorum gratiam obtinuerint Dictus vero Alexandro et heredes sui et sacerdos qui in predicta capella pro tempore ministrabit nobis et successoribus nostris fidelitatem faciet de jure matricis ecclesie in omnibus conservando In signum autem subjectionis et recognitionis matricis ecclesie idem Alexandro dedit et carta sua confirmavit Deo et beato Wylfridi et eidem ecclesie duas acras prati que jacent in Waldo Australi propinquius magne vie que vocatur Fosse et duas libras cere annuatim in festo depositionis beati Wylfridi eidem ecclesie solvendas Ut autem hec nostra concessio [] Teste [] Datum apud Suwell xi kalendas Octobri pontificatus nostri anno xx