Charter Document - 07010290
| Charter Number: | 07010290 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Admission |
| Date: | 1234 |
| Date type: | Internal, Calendar, Episcopal |
| Resource Link(s): |
Borthwick Institute - Register 1a (25 dorse) |
Charter:
Omnibus [] Noveritis nos ad presentationem dilecti filii W de Vescy persone ecclesie de Wath de concessu nostro factam cum ad nos spectaret advocatio ejusdem ratione custodie heredis Johannis Flandr et terre de Wath in manu nostra existentis admisimus dilectum filium Hugonem capellanum ad vicariam ejusdem ecclesie et in eadem eum vicarium perpetuum canonice instituisse vicariam sic taxantes videlicet quod idem Hugo habeat totum alteragium ecclesie de Wath cum omnibus pertinentiis exceptis omnibus que pertinent ad alteragium capelle de Wintewrth solvendo dicte persone vel ei que pro tempore fuerit annuatim decem marcas videlicet medietatem ad Pascha et medietatem ad festum Sancti Petri ad Vincula Persone vero totum residuum cum feno et cum capella de Wintewrd integre remanebit Memoratus etiam vicarius onera episcopalia et archidiaconalia debita et consueta sustinebit excepto hospitio archidiaconi quod quidem onus persona sustinebit Et memorandum quod predictus vicarius vicaria pretaxata ita erit contentus quod nullas novas sine assensu persone vel indebitas a parochianis faciet exactiones quod si fecerit dedimus predicto Willelmo quoad vixerit potestatem suspendendi eum auctoritate nostra donec a tali destiterit presumptione Ad predictorum vero perpetuam memoriam presenti scripto [] Teste [] Dat apud Ottelle ij kal Augusti anno xix