Charter Document - 07010277
| Charter Number: | 07010277 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Ruling |
| Date: | 1234 |
| Date type: | Internal, Calendar, Episcopal |
| Resource Link(s): |
Borthwick Institute - Register 1a (24 dorse) |
Charter:
W[alterus] Dei gratia [] venerabilibus fratribus episcopis et dilectis filiis universis archidiaconis [] Quoniam ut ait Apostolus omnes stabimus ante tribunal Christi recepturi prout in corpore gessimus sive bonum fuerit sive malum oportet nos diem messionis extreme misericordie operibus prevenire ac eternorum intuitu seminare in terris quod reddente Domino cum multiplicato fructu recolligere debeamus in celis Cum igitur facultates ecclesie Suwell ad incepte dudum fabrice consummationem non sufficiant ac dominus papa omnibus qui de bonis sibi a Deo collatis ad constructionem dicte fabrice grata [subsidia] impenderent confessis et vere penitentibus viginti dies de injuncta sibi penitentia relaxaverit u[niversitatem] vestram ro[gamus] attente et exhor[tamur] in Domino quatenus subditos vestros mo[neatis] et efficaciter inducatis ut de bonis sibi a Deo collatis pias elem[osinas] et grata caritatis subsidia ad hoc studeant erogare ut per subventionem suam opus hujusmodi feliciter consummetur et per hec et alia que Domino inspirante fecerint ad eterne possint felicitatis premia pervenire Nos autem de misericordia Dei et beatorum Apostolorum Petri et Pauli Apostolorum Ejus confisi omnibus vere penitentibus et confessis qui ad dicte ecclesie constructionem de bonis suis erogaverint xxx dies de injuncta sibi penitentia relaxamus Volumus autem quod hec indulgentia duret per triennium Dat apud Torp ix Kalendas Decembri pontificatus nostri anno decimo nono