Charter Document - 07010259
| Charter Number: | 07010259 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1234 |
| Date type: | Internal, A.D. |
| Resource Link(s): |
Borthwick Institute - Register 1a (23 dorse) |
Charter:
Omnibus [] Cum mandatum Apostolicum ad nos descendisset ut dilecto filio Jacobo filio nobilis viri Johannis Gayetani civis Romani prebendam quam in ecclesia Eboracensi habet in aliam que redditus non habet dispersos et illam quam modo habet in aliam que in decem vel usque ad xv vel xx marcas excedat cum opportuna facultas se offerret commutaremus venerabili fratre A Coventr episcopo ei executore concesso priusquam facultas se offerret commutationi eidem canonico secundum formam in literis domini pape contentam faciende iterum scripta sua dignatus est dominus papa nobis destinare ut predictam prebendam dicto canonico in majorem dispersos non habentem redditus commutaremus que augmenti usque ad xl marcas excedat quam cito facultas se offerret unde nos dilectionem quam dominus papa erga dictum canonicum habet attendentes mandato ejus antequam facultas se offerat duximus satisfaciendum de consilio et assensu capituli nostri eidem concedentes ut retenta prima prebenda sua de Grendal in augmentum ejus singulis annis in capitulo Eboracensi xl marcas in festo Apostolorum Petri et Pauli percipiat Ad quarum solutionem tam nos quam capitulum nostrum presenti scripto obligamus ita tamen quod predicte xl marce prebende sue de Grendal vel successori suo non accrescant nec nobis vel capitulo nostro per hanc concessionem cum dictus J memoratam prebendam dimiserit prejudicium generetur In cujus rei [] Et fiet prima solutio anno Domini millesimo CCXXXIIIJ Testibus []