Charter Document - 07010220
| Charter Number: | 07010220 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1230 |
| Date type: | Internal, A.D., Calendar |
| Resource Link(s): |
Borthwick Institute - Register 1a (19 dorse) |
Charter:
Omnibus [Christi fidelibus ad quos presens scriptum pervenerit] Walterus Dei gratia [Eboracensis archiepiscopus Anglie primas salutem in Domino] Cum dilecti filii abbas Albem et ejusdem loci conventus jus patronatus et ordinationem perpetuo duraturam ecclesiarum de Mapelton et de Withornewik de Waune et de Tunstal nobis liberaliter concessissent nos unanimi assensu et voluntate Rogerus decani et capituli Eboracensis de eisdem ita ordinavimus videlicet quod ecclesiam de Mapelton cum capellis et pertinentiis suis archidiaconatu Estriding ecclesiam de Withornewik cum suis pertinentiis prebende de Holme et ecclesiam de Waune cum capellis et pertinentiis suis cancellarie Eboracensi perpetuo duximus adjungendas ecclesiam vero de Tunstal cum suis pertinentiis succentor in ecclesia Eboracensi de novo constituto cujus officium in dicta ecclesia duximus esse perpetuum assignavimus salvis in omnibus jure et dignitate precentoris Eboracensis Succentor autem in absentia precentoris vices ejus suppleat ita tamen quod precentori vel ejus vicario in nullo prejudicetur Concedimus etiam de voluntate et assensu Walterus archidiaconi Estriding ut predicte ecclesie [a prestationibus et consuetudinibus episcopalibus et archidiaconalibus libere sint et immunes Ita tamen quod in earundem ecclesiarum parochianis salva nobis sit et successoribus nostris et archidiaconis excessuum correctio et plenaria jurisdictio quorum excessus earundem ecclesiarum capellani archidiaconis officialibus vel decanis nostris denuncient ipsorumque mandatis in ultionibus et coercionibus faciendis reverenter pareant et devote In propriis autem ipsarum ecclesiarum hominibus eandem quam alie ecclesie Eboracensis prebende habent concedimus libertatem] Quod ut ratum [] [et stabile perseveret presens scriptum sigillo nostro una cum sigillis capituli nostri Eboracensis et archidiaconi Estriding fecimus communiri Acta in majore ecclesia Eboracensi idibus Novembris anno Domini MCC tricesimo Teste ejusdem ecclesie capitulo]