Charter Document - 07010218
| Charter Number: | 07010218 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1230 |
| Date type: | Internal, A.D., Calendar |
| Resource Link(s): |
Borthwick Institute - Register 1a (19 dorse) |
Charter:
Omnibus [] [Christi fidelibus ad quos presens scriptum pervenerit] Walterus Dei gratia [] [Eboracensis archiepiscopus Anglie primas salutem in Domino] Cum R decanus et capitulum Eboracensis unanimi assensu et voluntate nobis liberaliter concessissent totam terram prebende de Bichille excepto capitali manso in usus ecclesie Eboracensis pro voluntate nostra convertendam nos eorum liberalitatem mutua vicissitudine respicere cupientes ecclesiam de Knaresburg ad nostram donationem perpetuo jure devolutam cum capellis et pertinentiis suis de unanimi assensu et voluntate predictorum decani et capituli prebende adjunximus memorate concedentes ut supra predicta a prestationibus et consuetudinibus episcopalibus et archidiaconatibus libera sit et immunis Ita quod in ejusdem ecclesie parochianis salva nobis sit et successoribus nostris et archidiaconis excessuum correctio et plenaria jurisdictio quorum excessus ejusdem ecclesie capellani archidiaconis officialibus vel decanis nostris denuncient ipsorumque mandatis invocationibus et coercionibus faciendis reverenter pareant et devote In propriis autem ipsius ecclesie hominibus eandem quam alie ecclesie Eboracensis prebende habent concedimus libertatem Quod ut ratum [] [et stabile perseveret in posterum presens scriptum sigillo nostro una cum sigillo capituli nostri Eboracensis fecimus communiri] [Acta in majore ecclesia Eboravensi idibus Novembris anno Domini MCC tricesimo Teste ejusdem ecclesie capitulo]