Charter Document - 07010216

Charter Document - 07010216


Charter Number: 07010216
Cartulary Title: The Register, or Rolls, of Walter Gray, Lord Archbishop of York
Charter Language: Latin
Charter Origin: Religious
Charter Type(s): Grant
Date: 1230
Date type: Internal, A.D., Calendar
Resource Link(s): Borthwick Institute - Register 1a (19 dorse)

Charter:

Omnibus Christi fidelibus ad quos presens scriptum pervenerit W Dei gratia Eboracensis archiepiscopus Anglie primas salutem in Domino Cum dilecti filii abbas de Furnesio et ejusdem loci conventus jus patronatus et ordinationem perpetuo duraturam ecclesiarum de Millum et de Kirkeby nobis liberaliter concessissent nos unanimi consensu et voluntate R decani et Capituli Eboracensi de eisdem ita ordinavimus videlicet quod ecclesiam de Kirkeby una cum ecclesia de Pydeseburton cum suis pertinentiis quam de dono dilectorum filiorum abbatis et conventus Albem consecuti sumus commune ecclesie nostre Eboracensis perpetuo assignavimus statuentes quod cum portio ad hoc sufficiens in ecclesiis eisdem vacaverit omnes vicarii dicte ecclesie equaliter et uniformiter stipendia sua percipient de commune salvis vicario archidiaconi Eboracensi decem solidis quos per ceteris percipere consuevit et in posterum percipiet adjicientes insuper quod quilibet vicarius ecclesie memorate preter triginta solidos quos hactenus nomine stipendiorum percipere consuevit unam marcam argenti de memorata commune annuatim percipiat in perpetuum Residuum autem cum vacaverit per renovationem prebende de Withon in augmentum commune convertatur Medietatem vero ecclesie de Myllum altera medietate reservata in usus dictorum abbatis et conventus de Furnesio assignavimus tribus capellanis cum clericis et aliis oneribus qui pro anima nostra et animabus predecessorum et successorum nostrorum necnon et canonicorum Eboracensis ecclesie singulis diebus cum plenis exequiis Divina officia in Eboracensi ecclesia celebrabunt prout plenius super his ordinabimus quorum positio et depositio ad nos et successores nostros de consilio tamen Capituli nostri pertinebit inperpetuum concedentes ut predicte ecclesie a prestationibus et consuetudinibus episcopalibus et archidiaconalibus libere sint et immunes ita tamen quod in earundem ecclesiarum parochiis salva nobis sit et successoribus nostris et archidiaconis excessuum correctio et plenaria jurisdictio quorum excessus earundem ecclesiarum capellani archidiaconis officialibus vel decanis nostris denuncient ipsorumque mandatis invocationibus et coercionibus faciendis reverenter pareant et devote In propriis autem ipsarum ecclesiarum hominibus eandem quam alie ecclesie Eboracensis prebende habent concedimus libertatem Quod ut ratum et stabile perseveret in posterum presens scriptum sigillo nostro una cum sigillo capituli Eboracensi fecimus communiri Actum in majori ecclesia Eboracensi idibus Novembris anno Domini millesimo ducentesimo tricesimo Teste ejusdem ecclesie Capitulo