Charter Document - 07010201
| Charter Number: | 07010201 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1231 |
| Date type: | Internal, A.D. |
| Resource Link(s): |
Borthwick Institute - Register 1a (17 dorse) |
Charter:
Walterus Dei gratia [] omnibus [] Noverit universitas vestra quod cum contentio esset inter dominum Rogerum priorem et conventum de Lentona et Robertum personam de Langare ex una parte et dominum Rad[ulfus] de Rodes Ric[icardus] de Wiverton et omnes homines illorum de Berneston ex altera super cantaria habenda in capella de Berneston tribus diebus in ebdomada per annum sicut ante ultimum Concilium Lateranense habere consueverunt ipsa contentio in hunc modum conquievit Videlicet quod predicti homines pro habendo plenaria servitio in capella de Berneston per capellanum et clericum in villa de Berneston residentes concesserunt prefato Roberto persone de Langare et successoribus suis preter duas bovatas terre que antiquitus prefate capelle de Berneston collate fuerunt septem quarteria de frumento mundo et pacibili annuatim solvenda in vigilia Omnium Sanctorum et tria quarteria de ordeo mundo et pacibili solvenda in vigilia Purificationis Beate Marie Ipsi etiam parochiani onus fabrice prefate capelle sustinebunt candelam competentem et omnia ornamenta predictam capellam contingentia invenient exceptis libris vino et hostiis que ipse Robertus persona et sui successores invenient Ipsi etiam parochiani reddent matrici ecclesie sue consuetum coragium per annum In prefata etiam capella percipient ipsi parochiani omnia Divina exceptis sepulturis mortuorum que fient ad matricem ecclesiam suam et hoc excepto quod omnes parochiani visitabunt matricem ecclesiam suam tribus diebus per annum scilicet die Pasche die Sancti Michaelis et die Purificationis Sancte Virginis Ne autem partes ab hac concessione aliquo modo in posterum possint resilire predictus R prior et conventus de Lenton pro se et successoribus suis et R persona de Langare ipsi etiam dominus Rad[ulfus] de Rodes et Ric[ardus] de Wiverton pro se et heredibus suis et omnes homines de Berneston subjecerunt se jurisdictioni magistri Willelmi de Bodeham tunc archidiaconi Notingham et successorum suorum in perpetuum ut eos sub pena pecuniaria competenti secundum arbitrium suum vel ejus qui tunc temporis erit archidiaconus infligenda et piis locis eroganda omni exceptione et appellatione remotis possit ad observationem predictorum compellere Ut autem hec conventio [] eam auctoritate nostra confirmamus Et presens scriptum sigilli nostri impressione una cum partium sigillis roboramus Act anno gratie MCCXXXI