Charter Document - 07010119
| Charter Number: | 07010119 |
|---|---|
| Cartulary Title: | The Register, or Rolls, of Walter Gray, Lord Archbishop of York |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1228 |
| Date type: | Internal, A.D. |
| Resource Link(s): |
Borthwick Institute - Register 1a (9 dorse) |
Charter:
Omnibus [] Noveritis quod cum abbas et conventus Sancte Agathe ex una parte et magister Laur de Toppecliv ex altera super ecclesia de Steinwegg et damnis et injuriis hinc inde illatis nostre se commisissent ordinationi ita quod adjunctis nobis decano cancellario archidiacono Estriding et penitentiario Eboracensi quicquid omnium predictorum consilio et consensu ordinaremus ratum haberetur jure tamen abbatis et conventus quod in ecclesia de Steinweg habuerint prius considerato nos de omnium predictorum consilio et consensu ita ordinavimus videlicet quod cum tempore Elye quondam abbatis Sancte Agathe propter homicidium incendium et sacrilegium in ecclesia et domibus ecclesie de Steinweg perpetrata omni jure quod prefati abbas et conventus habuerunt in ecclesia memorata essent a nobis finaliter privati nos cum eis misericorditer agere volentes decimas garbarum de Barton de Breteneby de Laton de Cleseby et de Bereford eisdem concessimus in usibus propriis retinendas ita tamen quod decimas garbarum de Laton de Cleseby et de Bereford a magistro Laur quoad vixerit ad firmam tenebunt solvendo eidem annuatim nomine firme xxiiij marcas medietatem ad festum Sancti Martini et medietatem ad Pentecosten Decimas vero garbarum de Barton de Breteneby quas tempore Willelmi persone de Steinweg perceperunt incontinenti percipient suo jure possidendas Post decessum vero magistri Laurentii decimas predictas pleno jure possidebunt Totum autem residuum ad ecclesiam de Steinweg pertinebit et ipsius ecclesie advocationem et ordinationem nobis et successoribus nostris inperpetuum reservamus ut sic ecclesie nostre que in predictis enormibus graviter lesa est et offensa in aliquo satisfiat Rector autem ecclesie qui pro tempore fuerit onera episcopalia et archidiaconalia consueta et debita sustinebit et annuatim die Sancte Agathe dabit conventui ad pitanciam unam marcam argenti In extraordinariis vero si forte evenerint quilibet pro sua portione respondebit Et ad solutionem firme predicte statutis terminis fideliter faciendam dicti abbas et conventus subjecerunt se jurisdictioni decani et capituli Eboracensi qui ipsos ad solutionem cum necesse fuerit per censuram ecclesiasticam compellant et renuntiaverunt privilegio fori et appellationi et contra hoc impetratis et impetrandis In cujus rei testimonium [] Datum apud Cawod per manum magistri Simonis de Evesham anno gratie MCCXXVIIJ