Charter Document - 06956047
| Charter Number: | 06956047 |
|---|---|
| Cartulary Title: | Rites of Durham |
| Charter Language: | Latin |
| Charter Origin: | Religious |
| Charter Type(s): | Indulgence |
| Date: | 1310 |
| Date type: | Internal, A.D., Calendar, Episcopal |
| Resource Link(s): |
|
Charter:
Universis Sancte Matris Ecclesie filiis presentes litteras inspecturis Antonius permissione divina sancte Jerosolimitane Ecclesie Patriarcha et Episcopus Dunolmens salutem in eo qui pro redempcione humani generis Jerosolimis voluit crucifigi Gratum Deo impendere credimus obsequium ipsumque Creatorem et Dominum omnium precipue veneramur dum sanctos suos devote Christianorum memorie recommendamus eoque prestantius quo per allectiva indulgenciarum et remissionum munera ad orationis devocionem et elemosinarum largicionem animos fidelium excitamus De Dei igitur omnipotentis misericordia gloriose virginis Marie matris ejus sanctorum apostolorum Petri et Pauli et beatissimi Cuthberti Confessoris omniumque sanctorum meritis et precibus confidentes omnibus Christi fidelibus de peccatis suis vere penitentibus et confessis qui causa devocionis et oracionis ad Cathedralem Ecclesiam nostram Dunolmensem accesserint et Feretrum beatissimi Cuthberti Confessoris aliasque Reliquias ibidem in quacumque parte dicte Ecclesie existentes visitaverint seu de bonis sibi a Deo collatis aliquid eidem Ecclesie offerendo seu alio modo largiendo caritative contulerint quadraginta dies auctoritate nostra Patriarchali et rursum quadraginta dies jure nostro Episcopali de injuncta sibi penitencia misericorditer in Domino relaxamus Ratificans insuper per presentes omnes Indulgencias a Indulgencias a confratribus nostris Archiepiscopis et Episcopis quibuscumque ex causis premissis concessas et impostorum concedendas In cujus rei testimonium sigillum nostrum presentibus est appensum Data apud Eltham Roffens Dioecesis quinto die mensis Junij Anno Domini millesimo trecentesimo decimo Patriarchatus nostri quinto et Consecracionis notre vicesimo septimo