Charter Document - 06940012
| Charter Number: | 06940012 |
|---|---|
| Cartulary Title: | Rentalia et Custumaria Michaelis de Ambresbury, 1235-1252 et Rogeri de Ford, 1252-1261 Abbatum Beatae Mariae Glastoniae [Glastonbury] |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1265 |
| Date type: | Internal, A.D., Calendar, Regnal |
| Resource Link(s): |
|
Charter:
Universis presentes litteras visuris vel audituris Willelmus Peytwyn de Melnes salutem in Domino Noveritis quod ego per presentem scripturam firmiter obligo me ipsum Roberto Abbati Glastonie et successoribus suis quod ego ex nunc toto tempore vite mee nichil dabo vendam nec alienabo quoquo modo de mesuagiis curtillagiis terris pratis tenementis homagiis reditibus serviciis wardis releviis nec eschaetis de hiis que pertinent ad tenementum quod de ipso Abbate et ecclesia Glastonie teneo in villa de Melnes Quod si fecero vel attemptavero liceat predicto Abbati et successoribus suis vel eorum ballivis totum tenementum meum quod de eis tenui in villa de Melnes licite intrare seysire in manus Domini Abbatis et successorum suorum capere et inperpetuum tenere ad opus dicti monasterii Glastonie sine contradicione impedimento retene mento vel clamio mei vel heredum meorum inperpetuum In cujus rei testimonium huic presenti scripto sigillum meum apposui Hiis testibus Michaele le Goyz Reginaldo de Ivithorn Roberto de Wotton Roberto Franceys Galfrido Samuel Galfridus Pulayn Willelmo de la Clive et aliis Datum Glastonie xviij kalendas Septembris anno Domini MCCLXVJ et anno regni Regis Henrici filii Regis Johannis quinquagesimo
Source (click image below to view full size)
