Charter Document - 06940006
| Charter Number: | 06940006 |
|---|---|
| Cartulary Title: | Rentalia et Custumaria Michaelis de Ambresbury, 1235-1252 et Rogeri de Ford, 1252-1261 Abbatum Beatae Mariae Glastoniae [Glastonbury] |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1270 |
| Date type: | Internal, A.D., Calendar |
| Resource Link(s): |
|
Charter:
Universis Christi fidelibus presentes litteras inspecturis Robertus miseracione divina Abbas Glastonie salutem in Domino Noverit universitas vestra nos concessisse quod venerabilis pater Dominus Willelmus Landaven Episcopus per se vel per suos quos ad hoc assignare decreverit prosequi possit et defendere nomine nostro coram quibuscumque personis possessiones et libertates Ecclesie de Basselak capellarum et terrarum ipsius cum pertinenciis suis salvo nobis et successoribus nostris et ecclesie nostre Glastonie in omnem eventum inpetuum [inperpetuum] annuo censu triginta et quinque marcarum sterlingorum in quibus predictus Episcopus et capitulum Landaven ac eorundem successores nobis et successoribus nostris et ecclesie nostre Glastonie tenentur secundum convencionem inter nos et ecclesiam nostram Glastonie et Episcopum et capitulum Landavens inde factam Ratumque habituros et pratum quicquid predictus Episcopus super hiis secundum quod premissum est justicia mediante duxerit faciendum Datum Glastonie iij idus Januarii anno gracie MCCLXX
Source (click image below to view full size)
