Charter Document - 06910019
| Charter Number: | 06910019 |
|---|---|
| Cartulary Title: | Calendar of Writs Preserved at Yester House 1166-1503 |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1322 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Robertus dei gracia Rex Scottorum Omnibus probis Hominibus tocius terre sue Salutem Sciatis nos Dedisse concessisse et Hac presenti carta nostra cirograffata confirmasse Thome de Morhame patri militi omnes terras et omnia tenementa cum pertinenciis in Baronia de Donypas quas et que Thomas Ranulphi Comes Morauie Dominus vallis anandie et Mannie Nepos noster dilectus per fustum et baculum apud Glasgu nuper nobis sursum reddidit et quietumclamauit necnon et omnes terras et omnia tenementa cum pertinenciis in Baroniis de Ducanlau et De Morehame quas et que dictus Thomas de Moreham per fustum et baculum Similiter apud Glasgu nobis nuper sursum reddidit et quietumclamauit Habendas et Tenendas predicto Thome de Morehame ad totam vitam suam tantum de nobis et heredibus nostris cum Seruiciis Libere tenentium et cum omnibus aliis et Singulis Libertatibus Commoditatibus aisiamentis et iustis pertinenciis in omnibus et per omnia tam non nominatis quam nominatis ad predictas terras et ad predicta tenementa iuste pertinentibus seu qualitercunque pertinere valentibus Ita quod post decessum ipsius Thome de Morehame omnes predicte terre et omnia tenementa predicta cum pertinenciis Johanni Giffard militi et Eufamie Sponse sue et heredibus de corporibus suis legitime procreatis integre et quiete remaneant inperpetuum Et Si contigerit ipsos Johannem et Eufamiam absque herede de corporibus suis legitime procreato in fata discedere volumus quod omnes terre predicte et omnia predicta tenementa cum pertinenciis post decessum dictorum Johannis et Eufamie propinquioribus heredibus dicti Thome de Morhame integre et quiete reuertantur in futuris faciendo nobis et heredibus nostris Ceterisque capitalibus feodorum Dominis omnia seruicia inde debita et consueta Volumus insuper quod si dictus Thomas de Morehame de dictis terris aut tenementis seu de aliqua parte earumdem aliquam fecerit alienacionem donacionem vendicionem inpignoracionem vel ad terminum dimissione vlterius quod ad terminum vite ipsius Thome tantum quod ex tunc ipse Thomas cadat et omnino prouetur ab omni iure et seisina habitis in eisdem terris et tenementis racione nostre infeodacionis et infeodacio nostra sibi facta de eisdem omni careat robore et virtute necnon et ex tunc prefati Johannes et Eufamia et heredes sui predicti omnes predictas terras et omnia tenementa predicta cum pertinenciis libere et quiete ingrediantur et possideant iuxta formam concessionis nostre superius eis facte de eisdem In cuius rei testimonium huic carte cirograffatte Sigillum nostrum precipimus apponi Testibus Bernardo abbate de abirbroth Cancellario nostro Waltero Senescallo Scocie Jacobo Domino de Douglas Roberto de Ketht marescallo nostro Roberto de Lawedre Justiciaro Laudonie Militibus Willelmo Veteri Ponte Wiilelmo de Abiruithin et aliis Data apud Berwicum super Twedam xviij die maij Anno Regni nostri Septimo decimo