Charter Document - 06910016

Sciant presentes et futuri Quod ego Adam de morham dedi et concessi et hac presenti carta mea confirmavi Domini Hugoni Giffard ad parcum suum faciendum Totam costam bosci mei que est uersus castellam de Jestrith cum terra et omni quod infra continetur sine ullo retene mento sicut fundamentum predicti parci dicti domini Hugonis protectum est Scilicet a vado Rivoli qui vocatur Jestrith sicut kilnunrodes descendunt in illo vado uersus Duncanelaw et ita ascendendo uersus aquilonem in dextra parte de Kilmerodes usque ad oppositum de bernedene et ita feriens siue transiens in bernedene et ita per bernedene ascendendo usque ad yma capitis terre arabilis pertinentis capelle de Dukanelawe et ita inter illam terram arabilem et boscum usque Welledene et sic transcendendo Welledene aliquantulum decendendo et belimiando in sinistra parte usque veniat in profundum de welledene et Ita ascendendo usque ad yma capitis de maistercroftes inter terram arabilem de maistercroftis et boscum usque ad capud orientale de Maistercroftis et Ita ascendendo uersus aquilonem super boscum usque terram arabilem et Ita inter terram arabilem et boscum usque ad vadum Riwuli de yalupethe qui est inter terram meam et terram monialium de Hadintune Do insuper dicto domino Hugoni et heredibus suis Tres pedatum terre extra murum suum dicti parci versus aquilonem immediate iacentis Juxta murum ab inicio muri in longitudine usque ad finem dicti muri ad faciendum fossatum de toto uel de parte dictarum trium pedatum terre ad salwandum murum dicti sui parci ab aquis superuenientibus Ita quod dictus dominus Hugo nec heredes sui aliquid exigere poterunt extra dictum murum racione huius donacionis nisi tantum modo dictas tres pedatum supra nominatas Tenendum et habendum predictum tenementum dicto domino Hugoni Giffard et heredibus suis de me et heredibus meis libere quiete bene hereditarie honorifice et in pace in bosco et plano in viis et semitis et in omnibus aliis rebus dicto tenemento pertinentibus Reddendo inde annuatim ipse et heredes sui michi et heredibus meis Quinque denarios ad pentecosten pro omnibus seruiciis auxiliis sectis curie wardis releviis et omnibus aliis de mandis secularibus et Regalibus Et si ita contingat quod predictus redditus ad terminum statutum solutus non fuerit unde reragia debeantur Ego predictus adam et heredes mei predictum dominum Hugonem Giffard uel heredes suos per bona de Netheriestrith pro predicto redditu distringimus Set non per murum parci sui nec per aliqua alia que infra dictum murum continentur nec per fossatum nec per aliquam partem fossati nec per terram vacuam siquid fuerit iacentem inter fossatum et murum nec per aliquam partem terre iacentis ab inicio muri et fossati usque in fine nec per aliquod quod continetur uel contineri poterit inposterum ab aquiloni parte fossati usque ad murum dicti parci nec per aliquod quod continetur uel uni quam poterit contineri infra prefatum tenementum licet sic contentum infra feodum meum Et sciendum est quod dictus dominus Hugo nec heredes sui michi nec heredibus meis homagium pro predicto tenemento facient nec sacramentum fidelitatis iurabunt Et ego predictus adam de morham et heredes mei totum predictum tenementum cum pertinenciis suis sicut prescriptum est predicto domino Hugoni Giffard et heredibus suis Warantizabimus defendemus et acquietabimus contra omnes gentes In cuius rei testimonium presenti scripto sigillum meum apposui Hiis testibus Domino Roberto de mayneres domino Johanne cumyn domino Johanne de ketht Roberto de Noutona philippo de ketht filio domini Johanne de pencatland Willelmo de Remfru Radulfo de Eykelm Johanne senescallo de pencatland Waltero auenel Willelmo coco de bovltune Johanne de kydelaue Adam de Templo et multis aliis