Charter Document - 06910014
| Charter Number: | 06910014 |
|---|---|
| Cartulary Title: | Calendar of Writs Preserved at Yester House 1166-1503 |
| Charter Language: | Latin |
| Charter Origin: | Lay |
| Charter Type(s): | Foundation |
| Date: | 1240 - 1248 |
| Date type: | Assigned |
| Resource Link(s): |
People of Medieval Scotland |
Charter:
Omnibus hoc scriptum visuris uel audituris Cristiana de Brus Comitissa de Dunbar salutem In domino Nouerit vniuersitas vestra me de assensu et voluntate domini patricii comitis De Dunbar et domini patricii filii et heredis eiusdem comitis necnon de assensu et voluntate venerabilis patris in Christo Dauid dei gracia episcopi sancti Andree dedisse concessisse et hac presenti carta mea confirmasse deo et fratribus ordinis Sancte trinitatis et captiuorum domum meam quam fundaui in villa de Dunbar Cum omnibus possessionibus et bonis dictam domum contingentibus tam de dono domini Patricii comitis et domini Dauid de grahame et thome de bernach quam de emptionibus et aliunde prouenientibus Tenendam et habendam predictis fratribus in puram et perpetuam elemosinam Ita libere quiete plenaria et honorifice Sicut aliqua elemosina in regno Scocie liberius quiecius plenius et honorificenius tenetur et possidetur Ita videlicet quod Minister domus de berwich quicunque pro tempore fuerit perpetuo habeat curam et Custodiam dicte domus qui etiam inueniat vnum fratrem capellanum in eadem domo [ministrantem] jn perpetuum tam pro viuis quam pro defunctis pie et deuote diuina celebrantem Volo etiam et concedo vt dictus Minister vna cum fratribus in domo de Dunbar commorantibus de omnibus possessionibus et bonis tam mobilibus quam Inmobilibus dicte domui collatis et conferendis pro voluntate sua et Secundum statuta ordinis sui libere possit disponere In cuius rei testimonium presenti scripto sigillum meum apposui Hiis testibus Domino Patricio comite De Dunbar Domino Patricio filio suo Domino Willelmo fratre Comitis Domino Rogero de Mubre Domino W de burdone Domino Dauid de burdone Domino W persona de Dunbar Magistro Willelmo de edenham Magistro W de [dronlav] Domino Dauid de grahame Domino N de pynkertona Thome de Carnewych stephano clerico et aliis