Charter Document - 06910012
| Charter Number: | 06910012 |
|---|---|
| Cartulary Title: | Calendar of Writs Preserved at Yester House 1166-1503 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1225 - 1236 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi fidelibus has litteras uisuris uel audituris Henricus dei gracia prior et Conuentus sancti Andree eternam in domino salutem Noueritis nos ad peticionem uenerabilis patris nostri Willelmi dei gracia episcopi sancti Andree ecclesiam de Ketenes quam deo et hospitali de ponte de Berwic diuine pietatis intuitu contulit ad sustentacionem infirmorum ibidem commorancium in perpetuum ab [h]onere procuracionis episcopalis absolutam saluo iure archidiaconi auctoritate Capituli nostri confirmasse cum omnibus aliis libertatibus dicte domui ab eodem episcopo nostro concessis secundum quod Carta ipsius inde confecta testatur Et in huius rei testimonium presentem paginam comuni sigillo capituli nostri fecimus signari Testibus Capitulo nostro