Charter Document - 06910007
| Charter Number: | 06910007 |
|---|---|
| Cartulary Title: | Calendar of Writs Preserved at Yester House 1166-1503 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1198 - 1199 |
| Date type: | Assigned |
| Resource Link(s): |
People of Medieval Scotland |
Charter:
Omnibus Sancte matris Ecclesie filiis Rogerus dei gracia Ecclesie Sancti Andree Humilis Minister Salutem et Benedictionem Nouerit uniuersitas uestra nos dedisse et concessisse et hac Carta nostra confirmasse donationem illam Quam Dauid de line fecit deo et Ecclesie sancti Kentegerni de Iohwerwet de una acra terre et de una particata iuxta aquam currentem sub pomerio eiusdem Ecclesie pro escambio illius terre Quam Rex Dauid dedit prenominate Ecclesie pro masagio suo ubi domus sue site fuerunt tenenda in puram et perpetuam elemosinam cum communi pastura extra bladum et pratum ita libere et Quiete plenaria et honorifice Sicut Carta predicti Dauid de line testatur Hiis testibus Comite Dauid fratre Regis Willemi Scottorum Patricio Comite de dunbar Roberto de londoneis filio Regis Scottorum willelmo archidiacono de laodonie Magistro Ranulfo officiali Magistro Johanne de legr Magistro willelmo de hales Marchisio de Aubini Waltero de Windelsoures Andree decano laodonie Galfrido de Cranforde Radulfo Costein Johanne de londoneis Ricardo de legr