Charter Document - 06890011
| Charter Number: | 06890011 |
|---|---|
| Cartulary Title: | The Knights of St. John of Jerusalem in Scotland |
| Charter Language: | Latin |
| Charter Origin: | Lay |
| Charter Type(s): | Notification |
| Date: | 1374 |
| Date type: | Internal, A.D., Calendar |
| Resource Link(s): |
|
Charter:
Omnibus hoc scriptum visuris vel audituris Robertus de Erskyne Dominus eiusdem ac custos omnium terrarum et red[dituum] hospitalis sancti Johannis Jerosolimitani infra Regnum scocie Salutem in domino vniuersitati vestre notum facimus per presentes quod in plena nostra curia apud Ballyntrodok per nos tenta vicesimo octauo die mensis Junij anno domini millesimo Tres centesimo Septuagesimo Quarto comparabit coram nobis Laurencius filius Roberti fabri calumnians et dicens quod predictus Robertus faber pater suus obiit vestitus et saysitus vt de feodo de illa tenandria quam tenet et possidet Thomas Yung de Haucarstoun in territorio eiusdem ville de Haucarstoun infra Dominium de Ballyntrodok petens super hoc inquisicionem Sibi dari Et nos per inquisicionem virorum fide dignorum ad hoc iuratorum peticionem dicti Laurencij examinari fecimus Omni iurati dixerunt quod predictus Rob[ertus Fa]ber pater prefati Laurencij obiit non vestitus neque saysitus de tenandria predicta Jn huius Rei testimonium presenti script[ure nost]re [testi]monij perhibendi Sigillum commune Domus de T[or]phych[y]e fecimus apponi die et anno Supradictis hiis tes[tibus] in dicta curia existentibus et dicte inquisicionis declaracionem audientibus videlicet Dominis Archebaldo de Douglas Domino Galwydie Dauid de Anandie militibus Johanne de Butele Johanne de Fawsyd Domino eiusdem Johanne de Lydale Thoma Dobynson de []edale Willelmo filio Cuthberti marcho Cissore Dauid de Wystouna Ricardo de Yorkestouna Henrico Sticte et multis aliis