Charter Document - 06890010
| Charter Number: | 06890010 |
|---|---|
| Cartulary Title: | The Knights of St. John of Jerusalem in Scotland |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1356 - 1357 |
| Date type: | Internal, A.D., Calendar |
| Resource Link(s): |
|
Charter:
Omnibus sancte matris ecclesie filiis ad quos presentes litere peruenerint Frater Thomas Lyndesay ordinis sancti Johannis Jerosolimitani magister de Torphyhyn salutem in domino sempiternam Noueritis nos dedisse concessisse et hac presenti carta nostra confirmasse Rogero dicto Vttyng totam terram nostram hospitalis iacentem in villa et territorio de Strathborke quam quondam Alexander de Dalmohoy de dicta domo quondam tenuit in feodo et hereditate Tenenda et habenda predicto Rogero et heredibus suis imperpetuum de dicta domo in feodo et hereditate per omnes rectas diuisas suas et consuetas libere quiete plenarie integre et honorifice cum omnibus libertatibus commoditatibus aysiamentis et iustis pertinenciis suis ad dictam terram spectantibus seu in futurum spectare ualentibus quoquo modo Reddendo inde annuatim ipse et heredes sui predicte domui decem solidos argenti ad festum Natalis domini pro omni seruicio tantum Excepto quod in obitu predicti Rogeri et heredum suorum dimidiam marcam argenti pro tercia parte bonorum suorum predicte domui soluant una cum secta curie et duplicacione firme In cuius rei testimonium sigillum commune dicte domus presenti carte est appensum Apud Torph sexto die mensis Januarii Anno domini Millesimo Trecentesimo quinquagesimo Sexto