Charter Document - 06890009
| Charter Number: | 06890009 |
|---|---|
| Cartulary Title: | The Knights of St. John of Jerusalem in Scotland |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1353 - 1354 |
| Date type: | Internal, A.D., Calendar |
| Resource Link(s): |
|
Charter:
Vniuersis Sancte matris ecclesie filiis has literas visuris uel audituris Frater Thomas de Lyndessay magister domus hospitalis sancti Johannis Jerosolimitani de Torphychyn ac omnium terrarum templariorum infra Regnum Scocie Salutem in domino Sempiternam Noueritis nos nostri ordinis vtilitate pensato ac solemni tractatu super hoc habito enim consilio et assensu fratrum nostrorum dedisse concessisse et hac presenta carta nostra confirmasse Thoma Young de Haukartstoun heredibus suis et assignatis omnes illas terras cum pertinenciis quas Custa filia Willelmi Scleych a predicto Willelmo patre suo emit et de magistro de Torphychyn in territorio de Haukartstoun infra dominium de Ballyntrodoch tenuit ut plenius pater per cartam predicte Custo exinde confectam Quas quidem terras cum suis pertinenciis de consensu et assensu prefati Willelmi Sleych patris sui necnon aliorum plurimorum de parentella sua eidem custo assistencium non vi aut metu aut dolo sed mera et spontanea voluntate in pura viduitate existendo vicesimo die mensis Januarii in plena curia nostra hospitalis apud Ballyntrodoch tenta Anno gracie millesimo CCC quinquagesimo tercio in presencia nostra constituta ex bona causa et racionabiliter in manibus nostra sursum reddidit ac pro se et heredibus suis et assignatis inperpetuum resignauit ad infeodandum prefatum Thomam Young heredes suos et assignatos de predictis terris cum pertinenciis et tradendam eidem Thome Young hereditariam de eisdem terris seysinam quem quidem Thomam heredes suos et assignatos in presencia testium subscriptorum de prenominatis terris cum pertinenciis hereditarie infeodauimus scysinam debitam tradendo Tenendas et habendas predictas terras cum omnibus suis iustis pertinenciis predicto Thome Young heredibus suis et assignatis de magistro de Torphyhyn cum omnibus suis libertatibus commoditatibus et asyamentis ad dictas terras spectantibus seu quomodo libet spectare valentibus in futurum adeo libere plene et integre sicut predicta Custo seu pater suus atque aliqui antecessorum suorum aliquo tempore tenuerunt aut possederunt Reddendo inde annuatim domui nostre de Torphyhyn duos solidos sterlingorum ad duos anni terminos proporcionaliter Scilicet ad festa pasche et sancti Michaelis archangeli tantum pro omnibus seruiciis salua secta in anno Ac eciam dimidiam marcam argenti in obitu suo heredum suorum et assignatorum nomine tercia partis bonorum suorum domui nostre predicte de Torphychyn Jn cuius Rei testimonium sigillum nostrum Commune predicte domus nostre de Torphychyn presentibus est appensum Dat anno die et loco supradictis hiis testibus domno Willelmo Payntour monacho de Neubotyl Henrico Kerr Adam de Herwyngstoun Dauid de Wistoune Johanne de Fawsyde Laurencio Perotsoune Ricardo de Esthouse cum multis aliis in dicta curia existentibus