Charter Document - 06890008
| Charter Number: | 06890008 |
|---|---|
| Cartulary Title: | The Knights of St. John of Jerusalem in Scotland |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1345 - 1346 |
| Date type: | Internal, A.D., Feast |
| Resource Link(s): |
|
Charter:
Omnibus sancte matris ecclesie Filiis presentibus et futuris has literas visuris vel audituris Frater Alexander de Seton magister domus hospitalis Sancti Johannis Jerosolimitani de Torphyhyne Salutem in domino sempiternam Noueritis nos ex communi consilio et assensu Capituli nostri ac confratrum nostrorum dedisse concessisse et per presentes inperpetuum pro nobis et successoribus nostris confirmasse Willelmo dicto Sleych de Templo heredibus et assignatis suis totam illam terram nostram cum pertinenciis in villa et territoria de Haukerston que quondam fuit terra Johannis Calfhird que quidem terra cum pertinenciis in plena curia nostra hospitalis tenta apud Blantrodok die Sabbati in Crastino Sancti Mathie apostoli Anno domini millesimo Tres centesimo Quadragesimo Quinto per veres heredes predicti quondam Johannis fuisset sursum reddita per fustum et baculum nobis et successoribus nostris Ac domui nostre de Torphyhyne predicte inperpetuum vt patet per commune instrumentum Tenenda et habenda predicto Willelmo heredibus et assignatis suis de nobis et successoribus nostris Magistris domus de Torphyhyne cum omnibus libertatibus commoditatibus et aisiamentis tam in communi pastura eiusdem ville vt solebat predicte terre pertinere quam in aliis commoditatibus quibuscunque prope vel procul tam sub terra quam supra terram in omnibus et per omnia tam non nominatis quam nominatis predicte terre cum pertinenciis qualitercunque Spectantibus Seu de Jure in futurum Spectare valentibus quoquomodo Reddendo inde nobis et successoribus nostris ac domui nostre de Torphyhyne predicte tres decem denarios sterlingorum annuatim proportionaliter ad festa pasche et Sancti Michaelis Archangeli et liberam multuram molendino nostro de Blantrodok videlicet ad quatuor viginti fate de bladis super predicta terra cum pertinenciis crescentibus tantum pro omnibus seruiciis Saluis fidelitate et tribus sectis Curie per annum Ita tamen quod in obitu predicti Willelmi similiter heredum et assignatorum suorum dimidia marca sterlingorum nomine tercie portis bonorum suorum nobis et successoribus nostris ac domui nostre de Torphyhyne predicte quiete remaneant cum duplicacione firme In Cuius Rei testimonium Sigillum nostrum commune predicte domus nostre de Torphyhyne presentibus est appensum Anno Die et loco supradictis