Charter Document - 06890007
| Charter Number: | 06890007 |
|---|---|
| Cartulary Title: | The Knights of St. John of Jerusalem in Scotland |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1345 |
| Date type: | Internal, A.D., Feast |
| Resource Link(s): |
|
Charter:
Uniuersis Sancte Matris ecclesie filijs hoc Scriptum Visuris vel Audituris Frater Alexander de Seton dominus eiusdem Miles Custos elemosine domus Sancti Johannis Jerosolimitani de Torfethyn infra Regnum Scocie Salutem in domino Quia per guerrarum discrimina in dicto Regno habita Walterus dictus gretheved burgensis de Abberden dudum tenens noster in feodo et hereditate de tota terra de Eychtyrelon cum pertinencijs in Bughania ita maxime de paupertatum quod propter Suam releuacionem et vite sue sustentacionem maxima ipsum compellente necessitate cum consensu nostro totam dictam terram cum pertinencijs concessit et plenariaque precise vendidit a se et heredibus suis inperpetuum Willelmo de Melgdrume filio quondam Johannis de Melgdrume domini eiusdem et heredibus suis ac suis assignatis Saluo feodo annuo nobis et successoribus nostris inde debito et per dictum Willelmum heredes suos et suos assignatos annuatim Reddendo Et quia vidimus et perpendimus vtilitatem nostram fore maiorem ad habendum predictum Willelmum de dicta terra tenentem nostram quam dictum Walterum Nouerit vniuersitas vestra Nos approbasse Ratificasse et per presens Scriptum nostrum confirmasse predicto Willelmo et heredibus suis ac suis assignatis illam concessionem et vendicionem quam dictus Walterus fecit eidem Willelmo vt premittitur de tota predicta terra de Eychtyrelon cum pertinencijs in omnibus et pro omnia prout Carta prefati Walteri dicto Willelmo inde confecta in Se plenius pro portat et testatur Reddendo inde annuatim dictus Willelmus et heredes sui vel sui assignati nobis et successoribus nostris pro feodo nostro memorato duodecim solidos sterlingorum tantummodo ad festum Natiuitatis beati Johannis Baptiste quos prefatus Walterus et predecessores sui predecessoribus nostris ad idem festum annuatim reddiderunt et reddere consueuerunt Et faciendo idem predictus Willelmus et heredes sui ac sui assignati nobis et successoribus nostris fidelitatem vt moris est et tres sectas ad tres Curias nostras capitales apud Lytill Verthylle in La Garuyach Soluendo eciam idem Willelmus et heredes sui ac sui assignati nobis et successoribus nostris tantum pro obitu suo quantum dictus Walterus nobis et successoribus nostris si tenens noster perseuerasset pro obitu suo Soluisse debuit vel predecessores sui Soluere consueuerunt In Cuius Rei testimonium presenti Scripto nostro Sigillum nostrum est appensum Acta et Data apud Aberden die Lune proximo post festum beate Marie virginis Anno domini Millesimo trescentesimo quadragesimo quinto