Charter Document - 06890005
| Charter Number: | 06890005 |
|---|---|
| Cartulary Title: | The Knights of St. John of Jerusalem in Scotland |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1314 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Robertus dei gracia Rex Scottorum Omnibus probis hominibus tocius terre sue Salutem Sciatis nos concessisse et hac presenti Carta nostra confirmasse magistro et fratribus hospitalis Sancti Iohannis Ierosolimitani de Thorphechyn dilectis et fidelibus nostris omnes terras et tenementa ecclesias redditus et possessiones Suas ad dictum hospitalem quoquomodo infra Regnum nostrum Spectantes adeo Libere et quiete plenarie et honorifice cum omnibus libertatibus commoditatibus aisiamentis et iustis pertinenciis suis sicut Magister et fratres dicti hospitalis dictas terras tenementa ecclesias redditus et possessiones tenuerunt tempore bone memorie domini Alexandri Regis Scocie predecessoris nostri vltimo defuncti Quare firmiter mandamus et precipimus Iusticiariis vicecomitibus prepositis et eorum balliuiis ac ceteris ministris et fidelibus nostris quod dictos magistrum et fratres in omnimodis Libertatibus suis predictis manu teneant et defendant nec quicquam contra hanc concessionem nostram attemptare presumant in ipsorum magistri et fratrum preiudicium dampnum aliquod Seu grauamentum Super nostram plenariam foris facturam In cuius Rei testimonium presenti Carte nostre Sigillum nostrum precepimus apponi Testibus Thoma Ranulpho Comite Morauie nepote nostro Bernardo abbate de Abirbr Cancellario nostro Iacobo de Duglas Dauid de Lindesey et Roberto de Keth marescallo nostro Scocie Militibus apud Dunfres decimo die Decembris Anno regni nostri nono