Charter Document - 06890004
| Charter Number: | 06890004 |
|---|---|
| Cartulary Title: | The Knights of St. John of Jerusalem in Scotland |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1278 - 1290 |
| Date type: | Assigned |
| Resource Link(s): |
People of Medieval Scotland |
Charter:
Omnibus christi fidelibus presens scriptum visuris vel audituris frater Robertus de Turuil milicie templi in Anglia magister humilis salutem in domino Noueritis nos de communi consilio et assensu capituli nostri in festo sancti Barnabe apud Dynesl concessisse et hac carta nostra confirmasse Cristino de Insula de Perth quatuor perticatas terre in insula de Perth simul iacentes ex parte occidentali terre quondam Simonis de Lenna Quas quidem perticatas habemus de dono Comitis Dauid fratris illustris Regis Willelmi Habend et tenend sibi et heredibus suis integre et quiete Reddendo inde Annuatim domui nostre duos solidos et octo denarios argenti ad duos terminos Anni videlicet medietatem ad festum sancti Michaelis et medietatem ad Pascham Saluis eciam nobis in obitu suo et heredum suorum duabus marcis Argenti In cuius rei testimonium huic scripto sigillum commune capituli nostri est appensum Hiis testibus fratre Thoma de Bray et fratre Willelmo de mere capellanis fratre Thoma de La ferme fratre Thoma de Tulus fratre Henrico de Emory fratre Roberto Le squoi fratre Roberto de Bonigton fratre Rogero de Akiny tunc preceptore Scocie et aliis