Charter Document - 06890001
| Charter Number: | 06890001 |
|---|---|
| Cartulary Title: | The Knights of St. John of Jerusalem in Scotland |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1215 |
| Date type: | Assigned |
| Resource Link(s): |
|
Charter:
Alexander dei Gracia Rex Scott Episcopis Abbatibus Comitibus Baronibus Justiciis vicecomitibus Prepositis ministris et Omnibus probis Hominibus Tocius terre sue et vniuersis Sancte matris Ecclesie filiis Salutem Sciant presentes et futuri me Concessisse et Hac Carta mea Confirmasse deo et fratribus Templi Salomonis de Jherusalem omnes illas Rectitudines et libertates et Consuetudines quas Rex Dauid et Rex Malcolmus et dominus pater meus Rex Willelmus eis dederunt et Concesserunt sicut scripta corum autentica attestantur Scilicet quod omnes homines fratrum templi Salomonis de Jherusalem iuste habeant meam firmam pacem et Communionem cum Omnibus Hominibus nostris emendi et uendendi mercata sua Et ubicunque in tota terra mea uenerint sint quieti de Cano et Teleoneo et passagio et Omnibus aliis Rectitudinibus et Consuetudinibus Et nullus eis iniuriam faciat uel fieri consentiat super meam defensionem Et ubicunque in tota terra mea ad iudicium uenerint causa eorum prima tractetur et prius Rectum suum habeant et postea faciant Et nullus ponat hominem predictorum fratrum nostrorum ad foueam iudicij si uoluerint eum domini uel uicini sui plegiare nisi fuerit fur probatus et furtum reddens super meum foris factum et omnes libertates et Consuetudines quas ipsi per alias Regiones habent in terra mea ubique habeant Et nullus nanum aliquem super eos uel super corum homines pro aliquo forisfacto capiar nisi pro suo dominico forisfacto super meam plenariam foris facturam Et si quis corum pecuniam extra terram suam nescienter ceperit uel capere fecerit predictis fratribus cito et sine mora sine ullo forisfacto reddatur Testibus Roberto Electo Rosense Willelmo de Boscho Cancellario meo Comite malcolmo de fif Philippo de Valoniis Camerario meo Roberto de London fratre meo Thoma de Coleuill Thoma de Lundin hostiario m[eo W]altero Cum Dauid de Hasting Malcolmo pincerna Apud Luffenach xx die marcii