Charter Document - 06830010
| Charter Number: | 06830010 |
|---|---|
| Cartulary Title: | Boldon Buke: A Survey of the Possessions of the See of Durham |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1183 - 1195 |
| Date type: | Assigned |
| Resource Link(s): |
|
Charter:
Hugo Dei Gratia Episcopus Dunelm Priori et Conventui Sancti Cuthberti Archidiaconis et omnibus Sancte Matris Ecclesie filiis salutem Notum facimus Universitati vestre nos dedisse et presenti carta confirmasse Deo et Hospitali Sancti Egidii de Dunelmo Quitteleys et Sayneleys per istas divisas a sursum Knokedenburne usque ad sursum Ayleshopeburne deinde recta linea usque ad Darewent que est divisa inter eos et Archiepiscopum Ebor et Walterum de Bollebec sicut Derwent decurrit usque dum Ayleshopburne descendit in eam et quicquid continetur inter istas divisas sit in perpetuum ad suscipiendos et sustentandos pauperes Christi Mineram quoque plumbi ad cooperiendam Ecclesiam Sancte Marie et omnium Sanctorum et Infirmatorie Hospitalis predicti et mineram ferri infra Rokehope ad carucas et alias necessitates faciendas et pasturam ad omnimoda averia sua habebunt undique in eodem Et pedes canum eorum non sint ibi neque ad wacheriam de Werdale truncati et pastores ducant eos ligatos pro feris ad averia sua servanda pro lupis Et unum toftum quod dedimus eis per procurationem fratris Ranulphi ad opus dicti Hospitalis scilicet predictum toftum de Laundene Pasturam etiam in foresta nostra ad averia sua habebunt Damus etiam predicto Hospitali et confirmamus decimam de tota terra que pertinet ad Bradewode et totam decimam de Besanskeldes usque ad Wycheleys et unam travam bladi de unaquaque caruca de Werdale decimas quoque de omnibus novalibus nostris id est de terris que ante tempora nostra culta non erant quas de paludibus et de frutectis in terram arabilem traximus per nummos nostros vel per Kirsete Omnia ista predicto Hospitali damus in puram elemosinam