Charter Document - 06811004
| Charter Number: | 06811004 |
|---|---|
| Cartulary Title: | A Monastic Community in Local Society: The Beauchief Abbey Cartulary |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1180 - 1182 |
| Date type: | Assigned |
| Resource Link(s): |
Reference Document for this Embedded Document |
Charter:
Ricardo Dei gracia Coventrensi episcopo et omnibus sancte matris ecclesie filiis tam presentibus quam futuris Robertus filius Ranulphi salutem Sciatis me dedisse Deo et sancte Marie et sancto Thome martiri et fratribus ordinem Premonstratensem professis in liberam et perpetuam elemosinam ad abbaciam construendam locum qui dicitur Beauchef qui in Doreheseles situs est scilicet a Grenehilheg per Aldefelde usque ad Quintinewelle et sic descendendo per rivulum prefate Quintinewelle usque ad aquam que dicitur Shava et per ipsam aquam descendendo usque ad le Broc et per le Broc ascendendo usque ad vadum ipsius le Broc quod est ad viam que descendit de domo Alani et sic ascendendo per ipsam viam usque ad sartum predicti Alani et sic per eius sartum usque ad sarta Roberti et Petri et sic ascendendo usque ad predictum Grenehilheg et quicquid infra metas horum terminorum continetur Et ecclesiam de Norton cum omnibus pertinenciis suis et ecclesiam de Alphirton cum omnibus pertinenciis suis similiter ecclesiam de Wymundeswald cum omnibus pertinenciis suis ecclesiam quoque de Edwaldeston cum omnibus pertinenciis suis et molendinum de Norton cum omni multura et omnibus pertinenciis et operibus suis Ita quod nec ego nec heredes mei aliquid aliud molendinum in territorio predicte ville faciemus nec a quoquam exceptis canonicis fieri permittemus Liceat vero eisdem canonicis alia molendina in territorio predicte ville construere ubicumque voluerint et utile sibi esse perspexerint et sartum Hugonis juxta Meresbroc cum uno tofto in Leis et unum toftum juxta domum Alani et totam decimam pannagii tocius terre mee et duas bovatas terre in Wimundeswald de dumenio meo cum uno tofto continente tres acras terre Et sciendum est quod sic iacent prefate bovate ex parte occidentali ad Robbe Wong viij seillinis ad Milnhill sex seillinis ad Nethirbromebereghe quinque seillinis ad Longbenelondichend undecim seillinis ad Martynhaw sex seillinis ad Mykylwaterlondeshend tres seillinis ad Hungherhyll quatuor seillinis ex parte orientali predictum toftum de cultura mea extra villam ad Cousewellende quatuor seillinis ad Marwaterlandes octo seillinis ad Marthegravegate quinque seillinis ad Kumbardall novem seillinis infra vias quatuor seillinis ad meridiem de Rikisike sex seillinis ad Smaligesikende novem seillinis Hec omnia dedi et concessi sicut scriptum est predictis fratribus pro salute Henrici regis secundi et omnium liberorum suorum et pro salute anime et animarum heredum et omnium parentum meorum et pro animabus patris mei et matris mee et uxoris mee et omnium antecessorum meorum Teste Albino abbate de Derby Ad[am] abbate de Wellbec et conventu eiusdem loci fratre Eustachio de Lilisehill Waltero decano de Stretton Willelmo filio Ranulfi Rogero filio Ranulfi Johanne de Orreby Rad[ulph]o filio Hugonis Matheo fratre suo Willelmo filio Roberti magistro Waltero medico Waltero clerico de Osbertona Eustachio filio Hugonis Stephano fratre eius Adam filio Philippi Gilberto de Bernston Gilberto de Suctun