Charter Document - 06810119
| Charter Number: | 06810119 |
|---|---|
| Cartulary Title: | A Monastic Community in Local Society: The Beauchief Abbey Cartulary |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1299 |
| Date type: | Internal, Feast, Regnal |
| Resource Link(s): |
|
Charter:
Pateat universis me Robertum de Eccleshall militem filium et heredem domini Rad[ulphi] de Eccleshall relaxasse et omnino quietum clamasse pro me et heredibus meis vel assignatis religiosis viris abbati et conventui de Bello Capite et eorum successoribus inperpetuum omnes acciones calumpnias et demandas quas habui vel habere potui in duabus marcis annui redditus racione molendini de Eccleshall seu alia occasione vel contractu quocumque per me ab eisdem religiosis aliquando petitis Ita quod nec ego dictus Robertus nec heredes mei nec aliquis alius nomine nostro in predictis duabus marcis aliquod jus clameum vel calumpniam exigere vel vendicare decetero poterimus inperpetuum quoquomodo Volo eciam et concedo quod si aliqua scripta vel munimenta de predictis duabus marcis mencionem faciencia penes quascumque personas inveniantur pro cassis vanis et irritis futuris temporibus habeantur In cuius rei testimonium presentibus litteris sigillum meum apposui Dat apud Bellum Caput die mercurii proximo ante festum Pentecostes anno regni regis Edwardi vicesimo septimo