Charter Document - 06810074

Universis Cristi fidelibus presens scriptum visuris vel audituris Thomas dictus forestarius de Alferton salutem in Domino Noverit universitas vestra me concessisse et ad terminum dimisisse religiosis viris abbati et conventui de Bello Capite unam placeam terre cum prato adiacente in territorio de Somercote que vocatur Wyntersedecrofte et unam placeam bosci in eodem territorio que vocatur Tomelingreve et duas [acras] prati quarum una vocatur le Bentt et alia iacet juxta le Qwythengrenes et abbuttat super Herewise cum omnibus pertinenciis suis usque ad terminum quatuordecim annorum proximo sequentium plene completarum termino incipiente in festo sancti Martini in hyeme anno domini mccc quarto Habendum et tenendum predictis religiosis abbati et conventui libere quiete pacifice et integre cum omnibus libertatibus pasturis communiis et aysiamentis dictis placeas terre bosci et prati pertinentibus usque ad finem predictorum quatuordecim annorum plene completorum Et sciendum est quod ego predictus Thomas volo et concedo quod non liceat michi vel heredibus meis assignatis predictas placeas terre bosci et prati alicui dare vendere vel assignare infra terminum prenominatum sine licencia et voluntate abbatis et conventus Et ego predictus Thomas et heredes mei dictam dimissionem et concessionem ut predictum est predictis religiosis abbati et conventui usque ad finem termini predicti plenaria completi contra omnes gentes warantizabimus acquietabimus et inperpetuum defendemus In cuius rei testimonium huic presenti scripto cirographato utriusque partis presentis sigilla alternatim sunt appensa Hiis testibus Hugone de Ulkerthorp Egidio de Rossale Rogero de Swanwyk Petro de Alferton Johanne de Aula de eadem et aliis