Charter Document - 06810071
| Charter Number: | 06810071 |
|---|---|
| Cartulary Title: | A Monastic Community in Local Society: The Beauchief Abbey Cartulary |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1301 |
| Date type: | Internal, Feast, Regnal |
| Resource Link(s): |
|
Charter:
Pateat universis me Walterum de Ufton pro me et heredibus meis concessisse et quietum clamasse inperpetuum domino Thome de Chaworth et heredibus suis et assignatis suis totum jus meum et clameum quod habui habeo vel habere potero in illis viginti solidatis annui redditus de quibus percipere solebam singulis annis duos solidos per manus ipsius domini Thome et decem et octo solidos de Roberto le redsmyth in soka de Alferton quondam tenente dicti domini Thome qui quidem predictus Robertus ad integralem solucionem dictorum decem et octo solidorum annui redditus faciend[am] michi per quoddam scriptum per dictum dominum Thomam assignabatur Ita quod nec ego Walterus nec heredes mei nec aliquis pro nobis seu per nos aliquid juris vel clamei in dictis viginti solidatis annui redditus inperpetuum habere exigere vel reclamare poterimus quoquomodo nec in aliqua parte ipsius redditus In cuius rei testimonium presenti scripto sigillum meum apposui Hiis testibus Willelmo le Brett Johanne Deyncourt Rogero Breton Willelmo Bulmer Henrico de Lancroft et aliis Act et dat apud Bellum Caput die Dominica in crastino sancte Katerine virginis anno regni regis Edwardi tricesimo