Charter Document - 06810060
| Charter Number: | 06810060 |
|---|---|
| Cartulary Title: | A Monastic Community in Local Society: The Beauchief Abbey Cartulary |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1279 |
| Date type: | Internal, Feast, Regnal |
| Resource Link(s): |
|
Charter:
Omnibus sancte matris ecclesie filiis hoc presens scriptum visuris vel audituris Thomas de Chaworth miles salutem in Domino Noveritis me pro salute anime mee et omnium antecessorum meorum relaxasse et omnino quietum clamasse de me et heredibus meis seu assignatis inperpetuum abbati et conventui de Bello Capite et eorum successoribus in liberam puram et perpetuam elemosinam illud servicium totum calcarium scilicet deauratorum que michi annuatim solvere tenebantur ad Pascha pro tota illa terra et tenemento cum pertinenciis suis que de me tenuerunt in Wymundeswold et que habuerunt de dono Rogeri de Alferton Ita quod nec ego predictus Thomas nec heredes mei seu assignati nec aliquis alius per nos seu pro nobis aliquod jus vel clameum in predicto servicio calcarium deauratorum vel in dicto tenemento nec aliquod aliud servicium sectam consuetudinem vel demendam de dicto tenemento exigere vendicare vel demandare poterimus inperpetuum In cuius rei testimonium presenti scripto sigillum meum apposui Act et dat ad festum Omnium Sanctorum anno regni regis Edwardi filii Henrici regis septimo Hiis testibus domino Waltero de Kibuf domino Willelmo de Matynesby Galfrido de Becton clerico Rogero de Somervyle Roberto le Graunt Petro de Bernys et multis aliis