Charter Document - 06810031
| Charter Number: | 06810031 |
|---|---|
| Cartulary Title: | A Monastic Community in Local Society: The Beauchief Abbey Cartulary |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1247 - 1312 |
| Date type: | Assigned |
| Resource Link(s): |
|
Charter:
Omnibus ad quos presens scriptum pervenerit Thomas de Chaworth miles dominus de Marnham salutem in Domino sempiternam Noverit universitas vestra me pro salute anime mee et omnium antecessorum et successorum meorum dedisse concessisse et hoc presenti scripto meo confirmasse abbati et conventui de Bello Capite suisque successoribus in liberam puram et perpetuam elemosinam liberum et quietum passagium ad feriam meam de Marnham tam ipsis quam familie sue habendum de abbacia predicta et de omnibus aliis locis suis cum omnibus animalibus rebus ac cariagiis suis aliis quibuscumque et quandocumque opus habuerunt in meliore navigio ferie mee predicte absque omni exaccione et demanda libere quiete inperpetuum Ita quod feria tores mei et heredes vel assignati mei predictos abbatem et conventum ceterosque familie sue feriandum moram non facient occasione pecunie sibi non solute vel non solvende sub pena dimidie marce argenti michi et heredibus meis seu assignatis ab ipsis feriat oribus solvenda Et ego vero predictus Thomas et heredes mei vel assignati predictum passagium predictis abbati et conventui ut predictum est contra omnes gentes in liberam puram et perpetuam elemosinam warantizabimus acquietabimus et inperpetuum defendemus In cuius rei testimonium presenti scripto sigillum meum apposui Hiis testibus domino Waltero de Gousehill domino Johanne Buk militibus Johanne de Vilers in Marnham Ricardo de Marnham clerico Thoma de Leys Thoma de Wodhows Rogero de Fledeburgh in Norton Johanne de Byrcheheved et aliis